रांजणगाव गणपती येथे कमिशन घेऊन फायनान्स कंपनीच्या मॅनेजरने व्यावसायिकाची फसवणुक केल्याने व्यवसायिकाची गळफास घेऊन आत्महत्या
शिरूर प्रतिनिधी
रांजणगाव गणपती ता. शिरूर येथे व्यावसायिकाला व्यवसाय वाढीसाठी पाच कोटी कर्ज देतो असे सांगून इंडोस्टार हाउसिंग फायनान्स कंपनीच्या मॅनेजरने त्याच्या साथीदारांनी लाखो रुपये कमिशन घेऊन कर्ज नदेता फसवणूक केल्याच्या नाराजीतून ४६ वर्षीय व्यवसायिकाने गळफास घेऊन आत्महत्या केली आहे याप्रकरणी फायनान्स कंपनीचा मॅनेजर व त्याचे दोन साथीदार असे तिघांवर गुन्हा दाखल करण्यात आला आहे.
याप्रकरणी इंडोस्टार हाउसिंग फायनान्स खराडी शाखेचे मॅनेजर उपेंद्र , विशाल घाटगे व झंजाड ( पूर्ण नाव पत्ता माहित नाही ) यांच्या विरुद्ध गुन्हा दाखल केला आहे.उपेंद्र यशवंत पाटील (रा. थेरगाव पुणे) व आरोपी मच्छिंद्र पोपट झंजाड (रा. सांगवी सूर्या ता. पारनेर जिल्हा अहिल्यानगर) यांना अटक करण्यात आली आहे तर त्यांचा साथीदार विशाल घाडगे फरार झाला आहे.
संग्राम आबुराव सातव (वय ४६ वर्षे रा. शेळके वस्ती मराठी शाळेजवळ रांजणगाव गणपती ता. शिरुर जि. पुणे ) यांनी आत्महत्या केली आहे.
याबाबत जनाबाई संग्राम सातव (वय ४२ वर्षे रा. शेळके वस्ती मराठी शाळेजवळ रांजणगाव गणपती ता. शिरुर जि. पुणे) यांनी रांजणगाव एमआयडीसि पोलीस स्टेशन येथे फिर्याद दिली आहे.
याबाबत रांजणगाव एमआयडीसी पोलिसांनी दिलेली माहिती पुढीलप्रमाणे रांजणगाव गणपती येथील संग्राम सातव यांची रबर कंपनी असल्याने त्यांना कंपनी वाढीसाठी कर्ज हवे असल्याने त्यांना इंडोस्टार हाउसिंग फायनान्स खराडी शाखेचे मॅनेजर उपेंद्र, तसेच विशाल घाटगे व झंजाड यांनी सातव यांना कर्ज मिळवून देण्यासाठी काही पैशांची मागणी केली. दरम्यान सातव यांनी त्यांच्या घरावर कर्ज काढून इंडोस्टार हाउसिंग फायनान्स खराडी शाखेचे मॅनेजर उपेंद्र यांना पाच कोटी रुपये कर्ज मंजूर करण्यासाठी चाळीस लाख रुपये, विशाल घाटगे यास पन्नास लाख कर्ज मिळवून देण्यासाठी पाच लाख रुपये तसेच झंजाड नावाच्या व्यक्तीस कर्ज मिळवून देण्यासाठी तीन लाख रुपये दिले. मात्र सदर फायनान्स मॅनेजरसह इतर दोघांनी सातव यांचे फोनच उचलत नसल्याने आणि कर्ज देखील मंजूर करत नसल्याने सातव यांनी मानसिक तणावात जाऊन राजणगाव गणपती गाव लांडेवस्ती येथील जे एम एन इंजिनिअरींग प्रा.ली कंपनीचे खोलीत गळफास घेऊन आत्महत्या केली असल्याचे फिर्यादी यांनी सांगितले, याबाबत रांजणगाव एमआयडीसी पोलीस ठाण्यात फिर्याद दाखल झाली असून,फिर्यादीवरून
पोलिसांनी इंडोस्टार हाउसिंग फायनान्स खराडी शाखेचे मॅनेजर उपेंद्र, विशाल घाटगे व झंजाड ( पूर्ण नाव पत्ता माहित नाही ) यांच्या विरुद्ध गुन्हा दाखल केला आहे. असून पुढील तपास पोलीस निरीक्षक महादेव वाघमोडे यांच्या मार्गदर्शनाखाली पोलीस उपनिरीक्षक निळकंठ तिडके हे करत आहे
त.
