१० वर्षाच्या अल्पवयीन बालिकेचे अपहरण करणाऱ्या दोन महिलांसह तिघांना अटक - संदेश केंजळे पोलिस निरीक्षक
शिरूर प्रतिनिधी
शिरूर जोशीवाडी येथून दहा वर्षीय मुलीचे अपहरण करणाऱ्या तिघांना शिरूर पोलीस स्टेशनच्या तपास पथकाने अटक केली असून, अपहरण केलेल्या बालिकेची मुंबई येथून सुटका करून नातेवाईकांच्या ताब्यात दिली असल्याची माहिती शिरूर पोलीस स्टेशनचे पोलीस निरीक्षक संदेश केंजळे यांनी सांगितले अटक केलेल्या मध्ये दोन महिलांचा समावेश असून बालिकेची सुखरूप सुटका केल्याने शिरूर पोलिसांची कौतुक होत आहे..
लताबाई बसीर काळे, आकाश बसीर काळे, सुप्रिया उर्फ रॅम्बो आकाश काळे (सर्व सोने सांगवी ता. शिरूर) यांना पोलिसांनी अटक केली आहे.
याबाबत बालिकेच्या घरच्यांनी शिरूर पोलीस स्टेशन येथे फिर्याद दिली होती.
दिनांक १३ मार्च रोजी सकाळी ८ ते दुपारी १ वाजण्याच्या दरम्यान शिरूर शहरातील दोषी वाडी येथे झालासमोरून दहा वर्षीय बालिकेचे अपहरण केल्याची फिर्याद शिरूर पोलीस स्टेशन येथे दाखल दाखल करण्यात आली होती. या प्रकरणाची पोलिस निरीक्षक संदेश केंजळे यांनी गंभीर दखल घेत शिरूर पोलिस स्टेशनच्या तपास पथकाला या गुन्ह्यातील अपहरण झालेल्या बालिकेचा तपास करण्याचे आदेश दिले होते. तपास पथकाचे पोलिस उपनिरीक्षक शुभम चव्हाण व पोलीस अंमलदार नितेश थोरात, विजय शिंदे, रविंद्र आव्हाड यांनी अपहरीत बालिका व अज्ञात आरोपींचा शोध घेणेकामी शिरूर शहरामधील सुमारे १०० पेक्षा अधिक सी.सी.टी.व्ही. फुटेज तपासले. अपहरीत बालीका हीचा तांत्रीक दृष्ट्या तपास करीत असताना गुन्हा घडले ठिकाणापासुन सी सी टी व्ही फुटेज तपासुन तांत्रीक विश्लेशन केले त्यात लता, आकाश, सुप्रिया या तिघांनी मोटर सायकलवर दहा वर्षीय बालिकेचे अपहरण करून पळवून नेल्याचे सिद्ध झाले पोलीस पथकाने या तीनही आरोपींना मोठ्या शितापीने ताब्यात घेतले त्यांना पोलिसी खाक्या दाखवताच त्यांनी बालिकेचे अपहरण केल्याची कबुली देऊन तिला बेलापूर मुंबई येथे नातेवाईकांकडे ठेवले व मुलगी ही आमची असुन आम्ही उपचारकामी दवाखान्यामध्ये जात आहोत आम्ही परत आल्यावर तीला घेवुन जातो असे खोटे नातेवाईकांना सांगीतले होते.
याबाबत तात्काळ पोलीस निरीक्षक संदेश केंजळे, यांनी पोलिस उपनिरिक्षक शुभम चव्हाण, पोलीस अंमलदार नितेश थोरात, विजय शिंदे, निरज पिसाळ, महीला पोलीस अंमलदार गिता सुळे यांचे पथक तयार करून अपहरीत बालीका हीस तात्काळ बेलापुर मुंबई येथे जाऊन अपहरण केलेल्या मुलीस ताब्यात घेऊन तिच्या नातेवाईकांच्या ताब्यात दिले आहे.
सदरची कार्यवाही पुणे ग्रामीण पोलीस अधिक्षक पंकज देशमुख, पुणे विभाग अप्पर पोलीस अधिक्षक रमेश चोपडे , शिरूर उपविभागीय पोलीस अधिकारी प्रशांत ढोले, पोलीस निरीक्षक संदेश केंजळे यांचे मार्गदर्शनाखाली शिरूर पोलीस स्टेशनचे गुन्हे शोध पथकाचे पोलीस उपनिरीक्षक शुभम चव्हाण, पोलीस हवालदार नाथसाहेब जगताप, महीला पोलीस अंमलदार गिता सुळे, पोलीस अंमलदार नितेश थोरात, विजय शिंदे, निरज पिसाळ, रविंद्र आव्हाड, सचिन भोई, अजय पाटील यांचे पोलीस पथकाने केली आहे.
