शिक्रापूर ता. शिरुर हॉटेल निखील समोरून चाललेल्या महिलेला दुचाकीवरुन आलेल्या दोघांनी काकू थांबा असे म्हणत आम्ही पोलिस आहोत असे सांगून या भागात महिलेच्या गळ्यातील दागिने चोरून नेत आहे असे सांगून हात चलाखीने महिलेचे अडीच तोळे वजनाचे सोन्याचे दागिने चोरट्यांनि चोरून नेले आहे.
तीन दिवसापूर्वी शिरूर पोलीस स्टेशन हद्दीत गोलेगाव येथे ज्येष्ठ नागरिकाला पोलीस असल्याचे सांगून अशा प्रकारे त्याचे साडेतीन लाख रुपये चे दागिने मोटरसायकलवर आलेल्या चोरट्यांनी चोरून नेले. त्यामुळे ही टोळी शिरूर शिक्रापूर रांजणगाव परिसरात कार्यरत आहे. याचा शोध पोलिसांनी लावावा अशी मागणी नागरिकांमधून होत आहे.
याबाबत प्रतिभा सतीशन पनिकर वय ५० वर्षे रा. त्रिमूर्ती नगर शिक्रापूर ता. शिरुर जि. पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी दोन अज्ञात इसमांवर गुन्हा दाखल केला आहे.
स्वतंत्र चौकट १ –
शिरुर नंतर शिक्रापूर मधील घटनेने तालुक्यात खळबळ . . . . .
शिरुर तालुक्यातील गोलेगाव येथे दोन दिवसांपूर्वी एका ज्येष्ठाला पोलीस असल्याच्या बहाण्याने लुटल्याची घटना ताजी असताना लगेचच शिक्रापूर येथे अशीच घटना घडली असल्याने दोन्ही घटनेने शिरुर तालुक्यात खळबळ उडाली आहे.
