(प्रतिनिधी ) कोरेगाव भीमा ता.शिरुर येथील मल्होत्रा केबल्स प्रायवेट लिमिटेड कंपनीच्या पत्र्याच्या शेड मधून ३ लाख ७०हजार रूपये किमतीचे केबल व वायर अज्ञात चोरट्यांनी चोरून नेले असून शिक्रापूर पोलीस स्टेशन येथे चोरीचा गन्हा दाखल करण्यात आला आहे.
याबाबत नरेंद्र वसंतराव चौधरी (वय ३८ वर्षे रा. मातोश्री पार्क वाघोली, भावडी रोड पुणे) यांनी शिक्रापूर पोलीस स्टेशन येथे फिर्याद दाखल केली आहे.
याबाबत पोलिसांनी दिलेली माहिती पुढील प्रमाणे कोरेगाव भीमा ता. शिरुर येथील मल्होत्रा केबल्स प्रायवेट लिमिटेड कंपनीच्या पत्र्याच्या शेड मध्ये कंपनीसाठी लागणाऱ्या लाखो रुपयांच्या केबल व वायर ठेवण्यात आलेल्या होत्या, कंपनीतील कामगार कंपनीतील शेडमध्ये केबल आणण्यासाठी गेले असताना त्यांना काही केबल नसल्याचे दिसल्याने त्यांनी याबाबतची माहिती कंपनी व्यवस्थापकांना सांगितली दरम्यान कंपनी व्यवस्थापकांनी पाहणी केली असता कंपनीतून तब्बल तीन लाख सत्तर हजार रुपये किमतीच्या केबल चोरीला गेल्याचे निदर्शनास आले, याबाबत नरेंद्र वसंतराव चौधरी वय ३८ वर्षे रा. मातोश्री पार्क वाघोली, भावडी रोड पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी अज्ञात चोरट्यावर गुन्हा दाखल केला असून पुढील तपास पोलीस हवालदार श्रावण गुपचे हे करत आहे.
