नवरदेवाला फोन / शिरुर तालुक्यातील टाकळी हाजीतील घटना
( प्रतिनिधी ) टाकळी हाजी ता. शिरुर येथील युवतीला रस्त्यात अडवून लग्नाची मागणी घालत विनयभंग करुन युवतीच्या होणाऱ्या पतीला फोन करुन उलटसुलट बोलल्याची घटना घडल्याने शिरुर पोलीस स्टेशन येथे सचिन कैलास गावडे याच्या विरुद्ध गुन्हा दाखल करण्यात आला आहे.
टाकळी हाजी ता. शिरुर येथील युवती गावातून महाविद्यालयात जात असताना सचिन गावडे वारंवार तिचा पाठलाग करत तिला रस्त्यात अडवून त्याच्याशी लग्न करण्याची मागणी करत होता, युवतीला अडवल्यानंतर सचिन याने युवतीचा हात पकडून तिच्या मनास लज्जा निर्माण होईल असे वर्तन करत तू माझ्याशी लग्न कर अन्यथा मी तुला जगू देणार नाही अशी धमकी देत शिवीगाळ देखील केली होती, त्यांनतर नुकताच युवतीचा साखरपुडा झालेला असताना सचिन याने युवतीच्या होणाऱ्या पतीचा मोबाईल नंबर मिळवत त्याला फोन करत युवतीबाबत उलटसुलट बोलून दमदाटी केल्याची घटना घडल्याने युवतीने याबाबत शिरुर पोलिसांत फिर्याद दिल्याने पोलिसांनी सचिन कैलास गावडे वय २० वर्षे रा. तामखर वाडी टाकळी हाजी ता. शिरुर जि. पुणे याच्या विरुद्ध गुन्हा दाखल केला असून पुढील तपास पोलीस हवालदार अरुण उबाळे हे करत आहे.
