शिरूर तालुक्यातील रांजणगाव पोलीस स्टेशन अंतर्गत दिनांक १२ ऑक्टोबर २०२० मध्ये अल्पविन दलित मुलींवर बलात्कार करून अत्याचार केलेल्या चोवीस वर्षीय तरुणाला विशेष न्यायालय जिल्हा व सत्र न्यायालय पुणे शिवाजीनगर यांनी वीस वर्ष सश्रम कारावासाची व पन्नास हजार रुपये दंडाची शिक्षा सुनावली असल्याची माहिती रांजणगाव पोलीस स्टेशनचे पोलीस निरीक्षक महादेव वाघमोडे यांनी दिली आहे.
महेश श्रीहरी लटपटे (वय 24 वर्षे, मुळ रा. लाडेवडगाव, ता. केज, जि. बीड) असे वीस वर्षे सश्रम कारावासाची शिक्षा झालेल्या तरुणाचे नाव आहे.
रांजणगाव पोलीस स्टेशन दिनांक 12 ऑक्टोबर 2020 रोजी एका अल्पवयीन दलित मुलीवर तरुणाने बलात्कार करून अत्याचार केल्याची घटना घडली होती. याबाबत पीडित अल्पवयीन मुलीने रांजणगाव पोलीस स्टेशन येथे फिर्याद दिली होती. यावरून रांजणगाव पोलीस स्टेशन येथे ॲट्रॉसिटी बलात्कार व बाल लैंगिक अत्याचार पोस्को अंतर्गत गुन्हा दाखल करण्यात आला होता.
या गुन्ह्याचा तपास दौंड उपविभागीय पोलीस अधिकारी राहुल धस यांनी या गुन्ह्याचा सखोल तपास करुन विशेष न्यायालय, जिल्हा व सत्र न्यायालय, शिवाजीनगर, पुणे कोर्टात पुराव्यासह दोषारोपपत्र दाखल केले होते.
त्यानंतर या गुन्ह्यातील आरोपींनी वेळोवेळी पुणे जिल्हा कोर्ट, मुंबई हायकोर्ट , दिल्ली सुप्रीम कोर्ट या ठिकाणी जामीन मिळवण्यासाठी अर्ज केले होते. परंतु यासाठी शिरूर उपविभागीय पोलिस अधिकारी प्रशांत ढोले यांनी याचा पाठपुरावा करून प्रतिज्ञापत्र सादर केल्याने आरोपीचा जामीन अर्ध रद्द झाला होता.
या गुन्ह्यातील वेळोवेळी कोर्टाच्या सुनावणीच्या वेळी पोलीस निरीक्षक महादेव वाघमोडे यांनी पुण्यातील साक्षीदार यांना वेळेत पाठपुरावा करून हजर केले.
या गुन्हेतील अंतिम सुनावणी पुणे सत्र न्यायालयाचे न्यायाधीश एस आर नरवडे यांनी साक्ष पुराव्याच्या आधारे १७ डिसेंबर २४ रोजी आरोपी महेश लटपटे याला वीस वर्ष सश्रम कारावासची शिक्षा व ५० हजार रुपयाचा दंड ठोठावला आहे.
या केस मध्ये सरकारी वकील म्हणून ॲड. भारती कदम, केस अधिकारी पोलिस निरीक्षक महादेव वाघमोडे, पोलीस हवलदार आप्पासाहेब सूर्यवंशी, पोलीस उपनिरीक्षक विद्याधर नीचित, पोलीस निरीक्षक संतोष घोळवे यांनी काम पाहिले.
.
