सरदवाडीत दरोड्याच्या तयारीतील तिघे जेरबंद
शिरूर प्रतिनिधी
स्थानिक गुन्हे अन्वेषण विभाग व शिरुर पोलिसांची कामगिरी
सरदवाडी ता. शिरूर येथील पुणे नगर महामार्गावर दरोड्याच्या तयारीमध्ये थांबलेल्या तिघांना कंटेनर वाहन व दरोड्यासाठी वापरल्या जाणाऱ्या साहित्यांसह जेरबंद करण्यात स्थानिक गुन्हे अन्वेषण विभाग व शिरुर पोलिसांच्या पथकाला यश आले असून , पकडलेल्या तिघांनकडून १५ लाख १७ हजाराचा ऐवज जप्त केला असून , पोलिसांची चाहूल लागताच त्यांचे दोन साथीदार पळून गेले आहे.
पोलिसांनी कुतुबुद्दीन अख्तर हुसेन (वय ३१ वर्षे रा. सोमका ता. पहरी जि. भरतपूर राजस्थान), यासीन हारुन खान (वय ३२ वर्षे रा. मुदैता ता. पुन्हाना जि. नुहू राजस्थान), व राहुल रशिद खान (वय ३२ वर्षे रा. फलैंडी ता. पुन्हाना जि. नुहू राजस्थान) यांसह पळून गेलेले नौशाद उर्फ नेपाळी व लेहकी ( पूर्ण नाव पत्ता माहित नाही ) यांच्या विरुद्ध गुन्हे दाखल केले
याबाबत स्थानिक गुन्हे अन्वेषण विभागाचे पोलीस हवालदार संजू ज्ञानदेव जाधव (रा. शिरुर ता. शिरुर जि. पुणे) यांनी शिरुर पोलीस स्टेशन येथे फिर्याद दिली आहे.
सरदवाडी ता. शिरूर येथील पुणे नगर महामार्गावर स्थानिक गुन्हे अन्वेषण विभागाचे पोलीस हवालदार संजू जाधव, राजू मोमीन, जनार्दन शेळके व तुषार पंधारे हे रात्रगस्त घालत असताना येथील हरियाना राजस्थान मेवात ढाब्याजवळ काही नागरिक आर जे ५२ जि ए ७९१६ या कंटेनर मध्ये दरोड्यासाठी वापरल्या जाणाऱ्या साहित्य घेऊन दरोड्याच्या तयारीमध्ये थांबले असल्याची माहिती पोलिसांना मिळाली, त्यांनतर त्यांनी शिरुर पोलिसांना माहिती देत शिरुर पोलीस स्टेशनचे सहाय्यक पोलीस निरीक्षक हनुमंत गिरी, पोलीस हवलदार नाथा जगताप, पोलीस शिपाई निखील रावडे, नीरज पिसाळ, नितेश थोरात, विजय शिंदे यांना बोलावून घेत कंटेनर जवळ गेले असता पोलिसांची चाहूल लागताच दोघेजण पळून गेले दरम्यान पोलिसांनी कंटेनरमध्ये पाहणी केली त्यामध्ये दरोड्याच्या तयारीत असलेले तिघेजण मिळून आले, त्यांची झडती घेतली असता त्यांच्याजवळ गॅस सिलेंडर, कटावणी, लोखंडी गज, दोरी यांसह आदी साहित्य मिळून आले, दरम्यान पोलिसांनी त्यांना ताब्यात त्यांच्या जवळील कंटेनर तसेच दरोड्यासाठी वापरले जाणारे साहित्य असा तब्बल पंधरा लाख सतरा हजार रुपयांचा ऐवज जप्त केला,
यांच्या विरुद्ध गुन्हे दाखल केले असून पुढील तपास पोलीस निरीक्षक संदेश केंजळे यांच्या मार्गदर्शनाखाली सहाय्यक पोलीस निरीक्षक हनुमंत गिरी हे करत आहे.
