भागीदाराकडून फ्लॅटचे कर्ज वापरण्यास घेवून घेतलेल्या कर्जाची परतफेड न करता, त्याचाच खून करून केली उपकाराची परतफेड, खुन करणारे चार आरोपी चोवीस तासांचे आत केले जेरबंद पुणे ग्रामीण स्थानिक गुन्हे शाखा व हवेली पोलीस स्टेशनची धडाकेबाज कारवाई या कारवाईचे नागरिकांतून होते कौतुक तर या गुन्ह्यातील प्रमुख आरोपी मात्र अद्याप फरार आहे.
याप्रकरणी जिवन ऊर्फ बाळा शैलेश जगताप (वय २७ वर्षे, रा. दत्तवाडी, भंडारी हॉटेलच्या मागे, चोर गल्ली पुणे), अक्षय ऊर्फ बाबु बालाजी शेलार (वय २४ वर्षे, रा. शिवरे, ता. भोर, जि पुणे),सोहेल ऊर्फ फुक्या साजिदअली जोरा, (वय १९ वर्षे रा. शिवरे बस स्टैंड शेजारी ता. भोर जि पुणे), देविदास ऊर्फ देवा लक्ष्मण तांबट (वय २० वर्षे, रा. कांजळे, तांबट आळी, ता. भोर जि पुणे) यांना अटक करण्यात आली असून त्यांनी गुन्ह्याची कबुली दिली आहे.
सतिश सुदाम थोपटे (वय ३७ वर्षे. सुशीला पार्क कोल्हेवाडी, खडकवासला, ता. हवेली जि पुणे) यायचा कोयत्याने वार करून खून करण्यात आला होता.
या प्रकरणी त्याची पत्नी अनिता सतिश थोपटे (वय ३१ वर्षे रा. सुशीला पार्क कोल्हेवाडी, खडकवासला, ता. हवेली जि पुणे) यांनी याबाबत फिर्याद दिली होती.
याबाबत पोलिसांनी दिलेली माहिती पुढील प्रमाणे फिर्यादी अनिता सतिश थोपटे,( वय ३१ वर्षे रा. सुशीला पार्क कोल्हेवाडी, खडकवासला, ता. हवेली जि पुणे) यांचे पती सतिश सुदाम थोपटे यांचा भाऊसाहेब सदाशिव किवळे( रा. धायरीफाटा, हवेली पुणे) यांचेसोबत जमीन खरेदी-विक्रीचा व्यवसाय होता. सतिश थोपटे यांनी फ्लॅटवर कर्ज काढून कर्जाची रक्कम रू. १८ लाख ५० हजार हे भाऊसाहेब किवळे यांना दिले होते. सदरचे कर्ज भाऊसाहेब किवळे हे भरणार असे त्यांचेत ठरले होते, परंतु कर्जाची रक्कम न भरल्याने सतिश थोपटे यांनी पैसे मागण्यास सुरूवात केली, पैसे मिळत नसल्याने सतिश थोपटे यांनी "भाऊसाहेब किवळे याने कर्ज भरले नसुन त्याची कर्ज भरणेची लायकी नाही " वगैरे मजकूराचे व्हॉट्स अॅप स्टेटस ठेवले होते, त्याचा राग मनात धरून भाऊसाहेब किवळे याने त्याचे चार साथीदारांना पाठवून सतिश सुदाम थोपटे (वय ३७ वर्षे, याचा सुशीला पार्क कोल्हेवाडी) येथे कोयत्याने वार करून खुन केला आहे. याबाबत वरील प्रमाणे गुन्हा नोंदविणेत आला आहे.
हा गुन्हा लोकवस्तीत भरदिवसा घडला असल्याने त्याचे गांभीर्य लक्षात घेवून सदर गुन्हा उघडकीस आणण्याचे पुणे ग्रामीण पोलीस अधीक्षक पंकज देशमुख यांनी स्थानिक गुन्हे शाखेला आदेश दिले होते. त्याप्रमाणे गुन्हे शाखेने दोन तपास पथके तयार करून या गुन्ह्यांचा तपास सुरू केला
घटनास्थळावरील सीसीटीव्ही फुटेज तपासणेत आले. चार अनोळखी व्यक्तोंकडून कोयत्याने मारहाण करणेत आलेली असल्याचे निष्पन्न झाले. त्यानंतर आरोपींची ओळख पटविणेकरीता गोपनीय बातमीदारांकडे संपर्क केला असता, आरोपीपैकी एक आरोपी हा रेकॉर्डवरील गुन्हेगार असून त्याचे नाव देवा लक्ष्मण तांबट (रा. कांजळे, भोर) असे असल्याचे सांगितले. त्याचा शोध घेत असताना चारही आरोपी हे खेड शिवापूर परिसरात असून ते कोल्हापूरकडे पळून जाणेचे तयारीत आहेत, अशी बातमी स्थानिक गुन्हे शाखेच्या पथकाला मिळाली. त्यानंतर पथकाने ताबडतोब कारवाई करत आरोपी जिवन ऊर्फ बाळा शैलेश जगताप, अक्षय ऊर्फ बाबु बालाजी शेलार, सोहेल ऊर्फ फुक्या साजिदअली जोरा, देविदास ऊर्फ देवा लक्ष्मण तांबट, यांना ताब्यात घेण्यात आले आहे. सदर आरोपींकडे प्राथमिक चौकशी करता त्यांनी गुन्हा केल्याचे निष्पन्न झाले आहे. आरोपींना पुढील तपास कामी हवेली पोलीस स्टेशनचे ताब्यात देण्यात आले आहे.
यातील आरोपी देविदास ऊर्फ देवा लक्ष्मण तांबट याचेवर यापुर्वी खुनाचे प्रयत्नाचा गुन्हा दाखल आहे. आरोपी भाऊसाहेब किवळे याचा शोध चालू आहे.
सदरची कामगिरी पुणे ग्रामीण पोलीस अधीक्षक श्री. पंकज देशमुख, पुणे विभाग अपर पोलीस अधीक्षक रमेश चोपडे, उपविभागीय पोलीस अधिकारी सुनीलकुमार पुजारी, हवेली विभाग, यांचे मार्गदर्शनाखाली, स्थानिक गुन्हे शाखेचे पोलीस निरीक्षक अविनाश शिळीमकर, हवेली पोलीस निरीक्षक सचिन वांगडे, स्थानिक गुन्हे शाखेचे सहाय्यक पोलीस उप निरीक्षक कुलदीप संकपाळ, दत्ताजीराव मोहिते, पोसई अभिजीत सावंत, पोलिस अंमलदार हनुमंत पासलकर, रामदास बाबर, राजू मोमीण, मंगेश थिगळे, अमोल शेडगे, मंगेश भगत, वैभव सावंत, काशिनाथ राजापुरे, हवेली पो स्टे चे सपोनि सागर पवार, पोसई संजय सुतनासे, अंमलदार विलास प्रधान, राजु मुंढे, संतोष तोडकर, महेद्र चौधरी यांनी केली असून पुढील तपास हवेली पोलीस स्टेशन व स्थानिक गुन्हे शाखेच्या वतीने करणेत येत आहे.
