( प्रतिनिधी ) सणसवाडी ता. शिरुर येथे शेतातील वायर तुटल्याबाबत विचारणा केल्याने एका इसमाला बेदम मारहाण करत जखमी केल्याची घटना घडली असल्याने शिक्रापूर पोलीस स्टेशन येथे भानुदास भक्तीराम दरेकर यांसह त्यांच्या तीन कामगारांवर गुन्हा दाखल करण्यात आला आहे.
सणसवाडी ता. शिरुर येथील नवनाथ दरेकर यांच्या शेतात विहिरीवरील पाणी सुरु असताना भानुदास दरेकर यांचे मजूर शेतात जनावरे चरण्यासाठी आले होते, यावेळी वायर तुटल्याने मोटार बंद झाल्याने नवनाथ याने जनावरांमुळे वायर तुटली का असे विचारले असताना सदर मजुरांनी भानुदास यांना फोन करुन बोलावून घेत सर्वांनी नवनाथ यास शिवीगाळ, दमदाटी करत हाताने, लाथाब्यक्य्यांनी आणि दगडाने मारहाण करत जखमी केले, याबाबत नवनाथ ज्ञानोबा दरेकर वय ४८ वर्षे रा. डोंगरवस्ती सणसवाडी ता. शिरुर जि. पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी भानुदास भक्तीराम दरेकर, भानुदास यांचा भाचा तसेच दोन मंजूर ( पूर्ण नाव व पत्ता माहित नाही ) यांच्या विरुद्ध गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवलदार रवीकिरण जाधव हे करत आहे
