राष्ट्रवादी सोशल मिडीया सरचिटणीसपदी नितीन कामठे
( प्रतिनिधी ) धानोरे ता. शिरुर येथील सामाजिक कार्यकर्ते नितीन शिवाजी कामठे यांची नुकतीच राष्ट्रवादी कॉंग्रेस शरदचंद्र पवार सोशल मिडीयाच्या शिरुर तालुका सरचिटणीसपदी निवड करण्यात आली असून आमदार अशोक पवार यांच्या हस्ते त्यांना नियुक्तीपत्र देण्यात आले आहे.
धानोरे ता. शिरुर येथील सामाजिक कार्यकर्ते नितीन शिवाजी कामठे यांनी राष्ट्रवादी पक्षाशी एकनिष्ठ राहून शिरुर तालुक्यात पक्ष वाढीसाठी विशेष मोहीम राबवत पक्षाबाबतची माहिती सोशल मीडियातून सर्वसामान्यांपर्यत पोहचवण्याचे काम केले असल्याने त्यांची नुकतीच राष्ट्रवादी कॉंग्रेस शरदचंद्र पवार सोशल मिडीयाच्या शिरुर तालुका सरचिटणीसपदी निवड करण्यात आली असून याबाबतचे पत्र आमदार अशोक पवार, उद्योजक हरिष येवले पाटील, सोशल मिडीया तालुकाध्यक्ष प्रशांत पवार, चेअरमन ज्ञानेश्वर थेऊरकर, भानुदास भोसुरे यांसह आदींच्या हस्ते नितीन कामठे यांना देण्यात आले असून निवडीनंतर बोलताना राष्ट्रवादी कॉंग्रेस शरदचंद्र पवार पक्षाची ध्येय धोरणे नागरिकांपर्यंत पोहचवणार असल्याचे नितीन कामठे यांनी सांगितले.
फोटो खालील ओळ – धानोरे ता. शिरुर येथील नितीन कामठे यांना नियुक्तीपत्र देताना पदाधिकारी.
