( प्रतिनिधी ) शिक्रापूर ता. शिरुर येथील पाबळ चौकातील शेखर मेडिकलचे संचालक शेखर दातखिळे हे सकाळच्या सुमारास उघडत असताना शटरच्या बाहेरील बॉक्स मध्ये कोणतातरी प्राणी बसल्याचे नागरिकांना दिसले, त्यांनी याबाबतची माहिती निसर्ग वन्यजीव सामाजिक संस्थेचे अध्यक्ष शेरखान शेख यांना दिली, त्यांनतर सर्पमित्र अमोल कुसाळकर, शुभम वाघ यांनी तातडीने येथे धाव घेत पाहणी केली असता बॉक्समध्ये उदमांजर असल्याचे निदर्शनास आले, त्यांनतर सदर उदमांजरा बाबतची माहिती वनविभागाच्या अधिकाऱ्यांना देत उदमांजराला निसर्गाच्या सानिध्यात मुक्त करण्यात आले, तर याबाबत बोलताना नेहमीच वेगवेगळ्या प्राणी पक्षांना जीवदान देत असताना वन्यजीव सप्ताहात उदमांजराला जीवदान दिल्याने समाधान वाटत असल्याचे निसर्ग वन्यजीव सामाजिक संस्थेचे अध्यक्ष शेरखान शेख यांनी सांगितले.
फोटो खालील ओळ – शिक्रापूर ता. शिरुर येथे वन्यजीव सप्ताहात जीवदान दिलेले उदमांजर.
