कान्हूर मेसाईची शेतकरी कन्या पोलीस दलात भरती
ग्रामस्थांनी काढली शेतकरी कन्येची गावातून मिरवणूक
( प्रतिनिधी ) कान्हूर मेसाई ता. शिरुर येथील शेतकरी कुटुंबातील प्राजक्ता पुंडे नुकतीच पोलीस दलात भरती झाली असल्याने ग्रामस्थांनी सदर शेतकरी कन्येची गावातून मिरवणूक काढून तिचा सन्मान केला आहे.
कान्हूर मेसाई ता. शिरुर येथील प्राजक्ता फक्कड पुंडे हिने परिस्थितीची जाणीव ठेवत आपल्या आई वडिलांचे कष्ट डोळ्यासमोर ठेवून अभ्यास करत आई वडिलांना शेतातील कामाला हातभार लावत बारावी पर्यंतचे शिक्षण गावातील माध्यमिक व उच्च माध्यमिक विद्यालयात पूर्ण करत नंतर पोलीस बनण्याचे ध्येय ठेवून श्रीनाथ करिअर ॲकॅडमी मध्ये तयारी केली. नुकतेच प्राजक्ताची पोलीस दलात निवड झाली हे ऐकून तिच्या आई वडिलांना अत्यानंद झाला, प्राजक्ताची पोलीस दलात निवड झाल्याने ग्रामस्थांनी तिची गावातून मिरवणूक काढत गावातील मेसाई देवी मंदिरात विद्या विकास मंडळाचे संचालक विलास पुंडे, बबन शिंदे, समाजसेवक शहाजी दळवी, दिपक तळोले, बंडू पुंडे, वंदना पुंडे, रमेश खर्डे याच्या हस्ते प्राजक्ता सह तिचे वडील फक्कड पुंडे व आई मनिषा पुंडे यांचा सन्मान करण्यात केला, यावेळी प्राजक्ताची जिद्द पाहून अनेकांना गहिवरून आले दरम्यान यावेळी बोलताना जिद्द ठेवून अभ्यास करत ध्येय बाळगले तर यश नक्कीच मिळते अशी प्रतिक्रिया प्राजक्ता पुंडे हिने व्यक्त केले तर विद्या विकास मंडळाचे संचालक विलास पुंडे यांनी सर्वांचे आभार मानले.
फोटो खालील ओळ – कान्हूर मेसाई ता. शिरुर येथील प्राजक्ता पुंडे हिचा सन्मान करताना पदाधिकारी.
