मुस्लीम समाजातील युवक करतोय पशु पक्षांची सेवा
शिरुर तालुक्यात पशु पक्षांच्या रक्षणासाठी झटणारा शेरखान शेख
( शिरूर प्रतिनिधी ) मुस्लीम समाजातील काही युवक समाजात आदर्श काम करुन आपल्या नावाचा आगळावेगळा ठसा निर्माण करताना दिसत असून असाच शिरुर तालुक्यातील शेरखान शेख हा मुस्लीम समजतील युवक शेरखान शेख पशु पक्षांच्या रक्षणासाठी अनोखे कार्य करत असल्याने पशु पक्षांच्या रक्षणासाठी झटणारा अवलिया अशी शेरखानची ओळख निर्माण केली आहे.
शिरुर तालुक्यातील शेरखान शेख यांना पशु पक्षांबाबत आवड असल्याने अनेक पशु पक्षांच्या रक्षणाचे कार्य सुरु करुन शेकडो विषारी बिनविषारी सापांसह जखमी मोर, पोपट, कासव, बगळा, कोल्हा, घुबड, घोरपड, सरडे, हरीण, साळींदर यांच्या सह शेतांमध्ये आढळून आलेल्या बिबट्याच्या बछड्यांसह वन्य प्राण्यांना देखील वनविभागांच्या मदतीने जीवदान देत त्या बछड्यांना त्यांच्या आईच्या स्वाधीन करण्याचे काम केले आहे, त्यांना पशु पक्षांची आवड असल्याने अनेक पशु पक्षांची ते सेवा करतात, शेरखान शेख यांनी यापूर्वी सापांच्या अंड्यांमधून कुत्रिम मदतीने सापाच्या पिलांना जन्म दिला असून उन्हाळ्यामध्ये पशु पक्षांच्या अन्न पाण्याची देखील व्यवस्था करण्यात पुढाकार घेतला, इतकेच नव्हे तर शेरखान शेख हे मुस्लीम समाजातील असून देखील त्यांनी कत्तलीसाठी जाणाऱ्या गाई बैलांची सुटका करत कत्तली साठी जाणारी जनावरे गोशाळेत जमा केली आहेत. तसेच सापांची हत्या करणाऱ्या आणि सापांबाबत अंधश्रद्धा पसरविणाऱ्या लोकांवर सुद्धा गुन्हे दाखल केले आहे, साप पकडण्याच्या छंदातून आपण काहीतरी वेगळे करण्याचा संकल्प करत शेरखानने साप पकडण्यासाठी अर्धा किलो वजनाची चांदीची स्टिक बनवून महाराष्ट्रात आपली ओळख निर्माण केली, त्यामुळे साप पकडण्यासाठी चांदीची काठी बनवणारा प्रथम सर्पमित्र म्हणून त्यांच्या नावाची नोंद इंडिया बुक ऑफ रेकॉड व राष्ट्रीय पातळीवरील ओएमजी बुक रेकॉर्ड मध्ये झाली आहे, शेरखान शेख यांच्या पशु पक्षांसाठी सुरु असलेल्या कार्यामुळे त्यांना अनेक पुरस्कार मिळाले असून शेरखान शेख यांची पशु पक्षांच्या रक्षणासाठी झटणारा अवलिया म्हणून ओळख निर्माण झाली आहे.
सोबत – शेरखान शेख यांचा वन्य प्राणी सह फोटो.
