बाभुळसर ता. शिरूर येथे दुपारी झालेल्या भांडणाचा राग मनात धरून मित्रांबरोबर बाजारात निघालेल्या तरुणावर कोयत्याने वार करू गंभीर जखमी केल्याप्रकरणी एकावर गुन्हा दाखल करण्यात आला आहे.
याबाबत अक्षय रामदास शिवले (वय 26 वर्ष धंदा, रा.बाभूळसर आशापुरा बिल्डिंग समोर डहाळे यांचे रूम मध्ये ता- शिरूर जि- पुणे . मूळ रा- निमगाव माळुंगे जिल्हा परिषद शाळेजवळ ता-शिरुर जि-पुणे) यांनी फिर्याद दिली आहे.
निखिल रामचंद्र वीडगीर याच्या विरोधात गुन्हा दाखल करण्यात आला आहे.
याबाबत रांजणगाव पोलिसांनी दिलेली माहिती पुढील प्रमाणे दिनांक २९ सप्टेंबर सायंकाळीं साडेसहा वाजण्याच्या सुमारास बाभुळसर डहाळे यांचे बिल्डिंग जवळील रॉयल चिकन शॉपी नावाच्या दुकान समोरून फिर्यादी त्याचे मित्र अनिकेत मगरे व धनंजय भोसले यांचे सह पायी कारेगाव येथील बाजारात जात असताना दुपारी झालेल्या वादाच्या कारणावरून निखिल रामचंद्र वीडगीर यांने रॉयल चिकन शॉपी नावाच्या दुकानातील कोयता घेऊन माझ्या पाठीमागून येऊन माझ्या पाठीच्या डाव्या बाजूस मारून अपखुशीने दुखापत केली. मी तेथून पळून जाऊ लागलो तेव्हा त्याने त्याच्या हातातील कोयता माझ्या दिशेला फेकून मला शिवीगाळ करून ,जीवे मारण्याची धमकी दिली. याबाबत फिर्यादीवरून गुन्हा दाखल करण्यात आला असून पुढील तपास रांजणगाव पोलीस स्टेशनचे पोलीस निरीक्षक महादेव वाघमोडे यांच्या मार्गदर्शनाखाली पोलीस हवालदार गणेश आगलावे करत आहे.
