शिरूर चौफुला महामार्गावर न्हावरे (ता.शिरूर)गावच्या हद्दीतील वडखेलवाडी येथे भरधाव वेगातील हायवा ट्रकने दुचाकीला धडक देऊन ३० वर्षीय दुचाकीस्वाराचा मृत्यु झाला आहे. हा अपघात एवढा भयानक होता की दुचाकीस्वारास हायवा ट्रकने धडक दिल्यानंतर त्याला 50 ते 60 फूट फडफडत नेऊन त्याच्या हेल्मेटचे तुकडे झाले यातच त्याला गंभीर मार लागल्याने त्याचा मृत्यू झाला आहे.
शरद पोपट नारनोर (रा. नागरगाव ता.शिरूर)यांनी याबाबतची फिर्याद दिली आहे.
.हा अपघात मंगळवारी ८सप्टेंबर रात्री पावणे नऊ वाजण्याच्या सुमारास घडला.
संदीप दत्तात्रय नारनोर (वय ३० रा. नागरगाव ता,शिरूर,जि.पुणे) असे अपघातात ठार झालेल्या तरुणाचे नाव आहे.
याबाबत पोलिसांनी दिलेली माहिती पुढीलप्रमाणे संदीप हा नागरगाव येथे कुटुंबासह राहत होता.रांजणगाव एमआयडीसी येथील कंपनीत गेल्या दोन वर्षांपासून तो नोकरीला होता.तो मंगळवारी रात्री पावणे नऊ वाजण्याच्या सुमारास शिरूर बाजुकडुन नागरगाव बाजुकडे येत होता.यावेळी रस्त्यावरुन जाणाऱ्या भरधाव वेगाने जाणाऱ्या एम.एच १० डी.टी ८९८४ या हायवा गाडीच्या चालकाला रस्त्याच्या अपूर्ण कामाचा अंदाज आला नाही.त्यामुळे भरधाव हायवा गाडीवरील चालकाचा ताबा सुटल्याने समोरून येणाऱ्या मोटारसायकल क्र एम.एच १२ पी.एल ९०१८ वरील संदिपला रस्त्याच्या खाली अक्षरशः ५० ते ६० फूट फरफटत ओढत नेले.हायवा भरधाव वेगात असल्याने संदीपच्या डोक्यावरील हेल्मेटचे अक्षरशः दोन तुकडे झाले.संदीपला गंभीर दुखापत झाल्याने त्यांचा उपचारापूर्वीच जागीच मृत्यू झाला.दरम्यान,शरद पोपट नारनोर (रा. नागरगाव ता.शिरूर)यांनी याबाबतची फिर्याद येथील पोलिसांत दिली आहे.वाहतुकीच्या नियमांकडे दुर्लक्ष करून भरधाव वेगात वाहन चालवून मोटारसायकलचे नुकसान करून त्यास हायवे रस्त्याचे खाली हायवा गाडीसह नेवुन अपघात केला.अपघातामध्ये किरकोळ व गंभीर दुखापती करून संदिपच्या मुत्युस कारणीभुत होवुन अपघाताची खबर न देता चालक पळुन गेल्याप्रकरणी पोलिसांनी अज्ञात चालकाच्या विरोधात गुन्हा दाखल केला आहे.पुढील तपास शिरूर पोलीस करत आहेत.
रस्त्याच्या अपूर्ण कामामुळे संदीप नारनोर यांना आपला जीव गमवावा लागला.संदीप हा कुटूंबातील एकमेव मुलगा असल्याने त्याच्या मृत्यूने परिसरात हळहळ व्यक्त केली जात आहे.त्यांच्या पश्चात आई, वडील,पत्नी, एक मुलगा असा परिवार आहे
