आण्णापुर ता. शिरूर येथील सामाजिक कार्यकर्ते निलेश यशवंत वाळुंज (वय ३७ वर्षे ) यांना 'तुझा तर कार्यक्रम करतो, तु दारुबंदी कशी करतो तेच बघतो…. तुझ्यावरअॅट्रॉसिटी दाखल करतो' अशी धमकी देत शिविगाळ केली आहे.
याबाबत निलेश यशवंत वाळुंज वय ३७ वर्षे, रा. अन्नापूर ता. शिरूर जिल्हा पुणे.
या प्रकरणी गोविंद उर्फ माया भाई (रा. अण्णापूर, ता . शिरूर , जि. पुणे) यांच्यावर गुन्हा दाखल करण्यात आला आहे.
याबाबत सविस्तर हकीकत अशी की, दि. ३ ऑक्टोबर रोजी सकाळी निलेश वाळुंज व त्यांची आई मंदा यशवंत वाळुंज असे दोघे जण घरासमोर अंगणात उभे असताना गोविंद जगताप हा घरासमोर आला. त्याने निलेश वाळुंज यांच्या आईकडे पाहून हातवारे करून म्हणाला की, तुझे मुलाला काय रात्री लई माज आला होता काय आता बोलवना पोलिसांना काय माझी वाकडे करणार आहे.” असे म्हणुन परत रात्री झालेल्या प्रकार प्रमाणे मला तुझा तर कार्यक्रम करायचाय असे म्हणत मग कसा दारूबंदी करतो तेच बघतो.तुझ्याविरुद्ध अॅट्रॉसिटीचा गुन्हा दाखल करतो असे म्हणाला. सदर ठिकाणी निलेश वाळुंज यांची आई मंदा यशवंत वाळुंज हिच्याकडे अश्लील हातवारे करून त्यांच्या मनात लज्जा उत्पन्न झाल्याने ते घरामध्ये निघून गेली आहे. त्यानंतर निलेश वाळुंज यांनी शिरूर पोलीस निरीक्षक यांना ११२ वर फोन करून माहिती दिली. पोलिसांनी फिर्यादीवरुन गुन्हा दाखल केला असून पुढील तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार आगलावे करीत आहे.
