शिरूर ( प्रतिनिधी ) कोंढापुरी ता. शिरुर येथील दोन घरांच्या दरवाजाचे कुलूप तोडून मोबाईल चोरून पळून जाणाऱ्या दोघा चोरट्यांना ग्रामस्थांनी पकडून पोलिसांच्या स्वाधीन केले आहे.
याबाबत निलेश बाळासाहेब भोर (रा. कोंढापुरी ता. शिरुर जि. पुणे मूळ रा. रेणवडी ता. जुन्नर जि. पुणे) यांनी शिक्रापूर पोलीस स्टेशन येथे फिर्याद दिली आहे.
याबाबत पोलिसांनी विष्णू सुभाष चव्हाण (वय २७ वर्षे रा. मोहम्मदवाडी हडपसर पुणे मूळ रा. कोसदरी ता. आरणी जि. यवतमाळ) व आकाश मच्छिंद्र जाधव (वय २८ वर्षे रा. मोहम्मदवाडी हडपसर पुणे मूळ रा. करमाळा ता. करमाळा जि. सोलापूर) असे मोबाईल चोरांचे नाव आहे. त्यांना अटक करण्यात आली आहे.
याबाबत पोलिसांनी दिलेली माहिती पुढीलप्रमाणे कोंढापुरी ता. शिरुर येथील निलेश भोर व पवन चौहान हे दोघे युवक घराला कुलूप लावून कामाला गेले असताना दुपारच्या सुमारास दोघा युवकांनी निलेश व पवन या दोघांच्या घराच्या दरवाजाचे कुलूप तोडून आतमध्ये प्रवेश करुन घरातील दोन मोबाईल घेऊन पळून जाऊ लागले, दरम्यान शेजारील नागरिकांनी दोघांना पहिल्याने त्यांना पकडत पोलिसांना माहिती देऊन दोघांना चोरीच्या मोबाईलसह पोलिसांच्या ताब्यात दिले, काही वेळाने निलेश कामावरून आल्यानंतर त्याला दरवाजाचे कुलूप तुटलेले दिसल्याने त्याने चौकशी केली असता घडलेला प्रकार समोर आला,
याबाबत शिक्रापूर पोलीस स्टेशन येथे फिर्याद दिल्याने दोघांवर गुन्हे दाखल करत त्यांना अटक केली असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवलदार चंद्रकांत काळे हे करत आहे.
