रांजणगाव औद्योगिक वसाहतीतील कारेगाव ता.शिरूर हद्दीत सिरमा एस जी एस (SYRMA SGS) कंपनीचे ऑफिसमध्ये पाच जणांनी आम्हाला लेबर कॉन्ट्रॅक्ट द्या असे म्हणत कंपनी आवारात तोडफोड करून अधिकारी यांना मारहाणकरून जखमी केल्याप्रकरणी गुन्हा दाखल करण्यात आला आहे.
दिनेशकुमार योगेंद्र मिश्रा (वय 43 वर्ष,रा. वाघोली, सवाना सोसायटी,ता.हवेली,जि.पुणे), यांनी फिर्याद दिली आहे.
मारुती फरगडे,अभिजीत फरगडे,आशिष दसगुडे व त्यांच्यासोबत इतर दोन अनोळखी( सर्व राहणार कर्डेलवाडी, तालुका शिरूर, जिल्हा पुणे)यांच्या विरोधात गुन्हा दाखल करण्यात आला आहे.
याबाबत रांजणगाव पोलिसांनी दिलेली माहिती पुढीलप्रमाणे फिर्यादीच्या फिर्यादीवरून दिनांक ४ ऑक्टोबर दुपारी पावणे बारा वाजता वरील आरोपी आमचे कंपनीतील सिक्युरिटी गार्ड किंवा इतर कोणाचीही परवानगी न घेता आमचे कंपनीचे आवारामध्ये अनाधिकृतपणे प्रवेश करून, ऑफिसमध्ये घुसून, आमचे कंपनीमध्ये लेबर कॉन्ट्रॅक्ट चे काम मिळवण्याच्या कारणावरून त्यांच्यातील मारुती फरगडे याने आमचे ऑफिस मधील खुर्ची उचलून ती खुर्ची मला फेकून मारून माझ्या डाव्या हाताच्या मनगटास अपखुशीने दुखापत करून खुर्च्यांची तोडफोड करून नुकसान केले आहे .तसेच अभिजीत फरगडे, आशिष दसगुडे व त्यांच्यासोबतच्या इतर दोन अनोळखी इसमांनी मोठमोठ्याने आरडा-ओरडा, शिवीगाळ करून मला मारहाण करण्याकरिता माझ्या अंगावर धावून येऊन, माझ्या शर्टची कॉलर पकडून, हाताने मारहाण केली. तसेच आम्हाला लेबर कॉन्ट्रॅक्ट नाही दिल्यास, तु येथे काम कसे करतो? असे म्हणून जिवे मारण्याची धमकी देऊन निघून गेले. याबाबत फिर्याद दाखल झाल्याने पाच जणांना विरोधात गुन्हा दाखल करण्यात आला असून पुढील तपास रांजणगाव पोलीस स्टेशनचे पोलीस निरीक्षक महादेव वाघमोडे यांच्या मार्गदर्शनाखाली पोलीस उपनिरीक्षक थोरात करीत आहे.
