वाजेवाडीत पिकअपच्या धडकेत दुचाकीस्वाराचा मृत्यू
शिरूर
( प्रतीनिधी ) वाजेवाडी ता. शिरुर येथील शिक्रापूर चाकण रस्त्यावर दुचाकी चालकाला पिकअपची धडक बसून झालेल्या अपघातात सुरज पांडुरंग भाग्यवंत या युवकाचा मृत्यू झाल्याची घटना घडली असल्याने शिक्रापूर पोलीस स्टेशन येथे किसन शाहूराव शिंदे या वाहन चालकावर गुन्हा दाखल करण्यात आला आहे.
वाजेवाडी ता. शिरुर येथील शिक्रापूर चाकण रस्त्याने सुरज भाग्यवंत हा युवक त्याच्या ताब्यातील एम एच २४ २९९२ या दुचाकीहून चाकण बाजूने शिक्रापूर कडे येत असताना पाठीमागून भरधाव वेगाने आलेल्या एम एच १२ व्ही टी ६३१९ या पिकअपची सुरजच्या दुचाकीला धडक बसून झालेल्या अपघातात सुरज गंभीर जखमी झाला, सदर अपघातात सुरज पांडुरंग भाग्यवंत वय २५ वर्षे रा. वाजेवाडी चौफुला ता. शिरुर जि. पुणे मूळ रा. पुईणी ता. पालम जि. परभणी याचा मृत्यू झाला, याबाबत गजानन पांडुरंग भाग्यवंत वय २५ वर्षे रा. वाजेवाडी चौफुला ता. शिरुर जि. पुणे मूळ रा. पुईणी ता. पालम जि. परभणी यांनी शिक्रापूर पोलीस स्टेशन येथे फिर्याद दिल्याने पोलिसांनी किसन शाहूराव शिंदे रा. खडकी देवळा ता. वळवणी जि. बीड याच्या विरुद्ध गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार विकास सरोदे हे करत आहे.
सोबत - सुरज भाग्यवंतचा फोटो.
