रांजणगावात बँकेत नोकरीच्या आमिषाने दोघांची फसवणूक
( प्रतिनिधी ) रांजणगाव गणपती ता. शिरुर येथे एका महिलेसह एका युवकाला बँकेमध्ये नोकरी लावण्याचे आमिष दाखवून त्यांची आर्थिक फसवणूक केल्याची घटना घडली असल्याने रांजणगाव एमआयडीसी पोलीस स्टेशन येथे तुषार कल्याण काळे याच्या विरुद्ध फसवणूक प्रकरणी गुन्हा दाखल करण्यात आला आहे.
रांजणगाव गणपती ता. शिरुर येथे शुभदा बारसे व शुभम इनामे हे दोघे नोकरी शोधत असताना त्यांची ओळख येथील प्लेसमेंट चालक तुषार काळे याच्यासोबत झाली, दरम्यान तुषार याने शुभदा बारसे व शुभम इनामे या दोघांना बोलावून घेत शुभदा यांच्याकडून वीस हजार रुपये व शुभम याच्याकडून दहा हजार रुपये आणि दोघांकडून चेक देखील घेतले, त्यांनतर दोघांनी वेळोवेळी तुषारकडे नोकरीबाबत विचारणा केली असता त्याने उडवाउडवीची उत्तरे देत नंतर फोन घेणे सुद्धा बंद केल्याने, आपली फसवणूक झाल्याचे लक्षात आल्याने शुभदा तुळशीराम बोरसे वय ३० वर्षे रा. फाळेगाव ता. बाभूळगाव जि. यवतमाळ यांनी रांजणगाव एमआयडीसी पोलीस स्टेशन येथे फिर्याद दिल्याने पोलिसांनी तुषार कल्याण काळे रा. रांजणगाव गणपती ता. शिरुर जि. पुणे याच्या विरुद्ध फसवणूक प्रकरणी गुन्हा दाखल केला असून प्दुहील तपास पोलीस निरीक्षक महादेव वाघमोडे यांच्या मार्गदर्शनाखाली पोलीस हवालदार अमित चव्हाण हे करत आहे.
