गुणाट ता शिरूर पूर्वीच्या भांडणाचे कारणावरून महिलेस दोघांनी शिवीगाळ दमदाटी करत लोखंडी गज व लाकडी काठीने मारहाण करून जखमी केले आहे याप्रकरणी शिरुर पोलीस स्टेशन येथे दोघांवर गुन्हा दाखल करण्यात आला आहे.
मंजु श्रीसुरक्षा पवार (वय 34 वर्ष, व्यवसाय शेती रा. गुणाट, कोळपेवाडी ता. शिरुर जि.पुणे) यांनी फिर्याद दिली आहे.
याबाबत राजेंद्र सुरकुल पवार , शाम राजेंद्र पवार (दोन्ही रा.गुणाट, कोळपेवाडी ता. शिरुर जि.पुणे) यांचें विरोधात गुन्हा दाखल करण्यात आला आहे
याबाबत पोलिसांनी दिलेली माहिती पुढील प्रमाणे दिनांक सप्टेंबर रोजी सकाळी 08.30 वाचे सुमारास गुणाट ता शिरूर येथे फिर्यादीचे घराचे समोर त्यांचा दिर राजेंद्र सुरकुल पवार व त्याचा मुलगा शाम राजेंद्र पवार असे आले व त्यांनी फिर्यादी महिलेस पुर्वीचे भांडणाचे कारणावरुन तसेच आरोपीने फिर्यादीस आमचे खेळण्याच्या साहीत्याचे नुसकान तुझ्यामुळे झाले आहे त्याची भरपाई दे असे म्हणून राजेंद्र सुरकुल पवार याने त्याचे हातातील लोखंडी गजाने फिर्यादीचे उजवे हातावर मारुन हातास गंभीर दुखापत करुन पायावर, दंडावर मारले व शाम राजेंद्र पवार याने लाकडी काठीने फिर्यादीचे पायावर, हातावर, पाठीवर मारहाण केली व शिवीगाळ दमदाटी करुन निघुन गेले महिलेच्या फिर्यादीवरून गुन्हा दाखल करण्यात आला असून त्याचा पुढील तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार मोरे करीत आहे.
