सणसवाडी ता. शिरूर येथील एका कंपनीच्या आवारातून दोघा चोरट्यांनी तब्बल आठ लाखांच्या लोखंडी प्लेटा चोरून नेल्याची घटना घडली असल्याने शिक्रापूर पोलीस स्टेशन येथे दोघा अज्ञात चोरट्यांवर गुन्हा दाखल करण्यात आला आहे.
याबाबत प्रसाद प्रकाशराव चवणे (वय ३६ वर्षे रा. आंबेगाव कात्रज पुणे )यांनी शिक्रापूर पोलीस स्टेशन येथे फिर्याद दिली आहे.
सणसवाडी ता. शिरुर ट्रेनटर इंडिया प्रायवेट लिमिटेड कंपनीमध्ये मोकळ्या जागेमध्ये शंभरहून अधिक लोखंडी प्लेटा ठेवलेल्या होत्या, कंपनीतील कामगारांना त्या प्लेटा लागत असल्याने ते कामगार प्लेटा आणण्यासाठी गेले असता त्यांना प्लेटा दिसून आल्या नाल्स्याने त्यांनी कंपनी व्यवस्थापकांना माहिती दिल्याने त्यांनी कंपनीमध्ये पाहणी करत सीसीटीव्ही तपासले असता दोघा चोरट्यांनी तब्बल आठ लाख रुपये किमतीच्या लोखंडी प्लेटा लांबवल्याचे दिसून आले, याबाबत प्रसाद प्रकाशराव चवणे वय ३६ वर्षे रा. आंबेगाव कात्रज पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी दोघा अज्ञात चोरट्यांवर गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार दामोदर होळकर हे करत आहे.
