( प्रतिनिधी ) शाळा व महाविद्यालयात युवतींना सुरक्षित ठेवण्यासाठी शाळा प्रशासनाने सतर्क राहून आपापल्या शाळा व महाविद्यालय परिसरात वेगवेगळ्या उपाययोजना कराव्यात असे आवाहन पोलीस निरीक्षक दिपरतन गायकवाड यांनी केले आहे.
शिक्रापूर ता. शिरुर पोलीस स्टेशन येथे पोलीस स्टेशन हद्दीतील सर्व शाळा व महाविद्यालयांच्या मुख्याध्यापक व संस्था चालकांची बैठक आयोजित करण्यात आलेली असताना, मुख्याध्यापकांना मार्गदर्शन करताना पोलीस निरीक्षक दिपरतन गायकवाड बोलत होते यावेळी शंभर हून अधिक मुख्याध्यापक व संस्था चालक उपस्थित होरे, दरम्यान उपस्थितांना मार्गदर्शन करताना शाळा व महाविद्यालयांच्या प्रमुख प्रवेशद्वार व स्वछतागृहाचे मुख्य प्रवेशद्वार आणि शाळेच्या टेरेस वर जाण्याचे प्रवेशद्वारावर सीसीटीव्ही कॅमेरे बसवावे, शिक्षकेतर कर्मचाऱ्यांचे व्हेरिफिकेशन करून घ्यावे, प्रत्येक स्कूलबस मध्ये महिला कर्मचारी नेमावे तसेच शाळेमध्ये तक्रारपेटी लावावी पोलीस तसेच निर्भया पथक आल्यानंतर ते पेटी चेक करतील, शाळेच्या काही समस्या असल्यास पोलिसांना वेळोवेळी सांगाव्यात, यांबाबत सूचना करत शिक्षकांच्या देखील काही समस्या जाणून घेतल्या, दरम्यान पोलीस ह्वालदार संदीप कारंडे यांनी सर्वांचे आभार मानले.
फोटो खालील ओळ – शिक्रापूर ता. शिरुर येथे शाळा व महाविद्यालयांच्या मुख्याध्यापकंच्या बैठकीत बोलताना पोलीस निरीक्षक दिपरतन गायकवाड.
