तळेगाव ढमढेरत युवतीच्या तोंडावर ऍसिड फेकण्याची धमकी देत विनयभंग दोघांवर गुन्हे
( प्रतिनिधी ) तळेगाव ढमढेरे ता. शिरुर येथे एका महाविद्यालयीन अल्पवयीन युवतीचा वारंवार पाठलाग करत युवतीच्या घरी जाऊन युवतीचा विनयभंग करत युवतीच्या तोंडावर ऍसिड फेकण्यासह घरच्यांना मारण्याची धमकी दिल्याची प्रकरणी दोघांवर गुन्हे दाखल करण्यात आले असून दोघांना अटक करण्यात आला आहे.
शिक्रापूर पोलीस स्टेशन येथे सनी उर्फ ओंकार अरुण कांबळे (वय २४ वर्षे)व जायेद जब्बार इनामदार (वय २० वर्षे दोघे रा. तळेगाव ढमढेरे ता. शिरुर जि. पुणे) या दोघांवर गुन्हा दाखल करत त्यांना अटक केली आहे.
याबाबत पोलिसांनी दिलेली माहिती पुढीलप्रमाणे तळेगाव ढमढेरे ता. शिरुर येथील महाविद्यालयीन अल्पवयीन युवती महाविद्यालयात जात असताना दोघा आरोपींनी वारंवार वेगवेगळ्या पद्धतीने युवतीचा पाठलाग करुन युवती घरात एकटी असल्याचे पाहून युवतीच्या घरात जाऊन युवतीच्या मनास लज्जा निर्माण होईल असे कृत्य केले, तर सनी उर्फ ओंकार याने युवतीच्या भावाला तर जायेद याने युवतीच्या तोंडावर ऍसिड फेकण्याची तसेच कुटुंबियांना संपवण्याची धमकी दिली, याबाबत पिडीत युवतीने शिक्रापूर पोलीस स्टेशन येथे फिर्याद दिल्याने पोलिसांनी सनी उर्फ ओंकार व जायेद दोघे रा. तळेगाव ढमढेरे ता. शिरुर जि. पुणे या दोघांवर बाललैंगिक अत्याचार प्रकरणी दोघांवर गुन्हा दाखल करत त्यांना अटक केली असून, पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस उपनिरीक्षक सोमनाथ कचरे हे करत आहे.
