शिरूर तालुक्यातील कोरेगाव भीमा येथील खळबळजनक घटना
( प्रतिनिधी ) कोरेगाव भीमा ता. शिरुर येथील शांताराम साळके यांचा कारखान्याला ऊस तोडून देण्याचा व्यवसाय असून शांताराम यांना ऊस तोडणीसाठी कामगार पुरवितो असे म्हणून तब्बल नऊ लाख पंचवीस हजार रुपयांना गंडा घातल्याची घटना घडली असल्याने शिक्रापूर पोलीस स्टेशन येथे भीमा एकनाथ पवार, गोकुळ जबू राठोड व प्रेमसिंग बाबू राठोड या तिघांवर गुन्हे दाखल करण्यात आले आहे.
कोरेगाव भीमा ता. शिरुर येथील शांताराम साळके यांचा कारखान्यांना ऊस तोड करुन पुरवण्याचा ठेका असून ते ऊस तोडणीसाठी वेगवेगळ्या ठिकाण हून ऊस तोड कामगार आणत असतात त्यांच्या व्यवसायातून त्यांची भीमा पाटील या इसमा सोबत ओळख झाली, त्यांनभीमा पाटील, गोकुळ राठोड व प्रेमसिंग राठोड यांनी यांनी ऊसतोड कामगार देतो असे भासवून कामगारांना ऍडव्हान्स मध्ये पैसे देण्यासाठी काही पैशांची वेळोवेळी मागणी केली असता शांताराम यांनी त्यांना वेळोवेळी मोबाईलवर ऑनलाईन तसेच रोख असे तब्बल नऊ लाख पंचवीस हजार रुपये पाठविले मात्र त्यानंतर देखील कामगार येत नसल्याने शांताराम यांनी तिघांशी संपर्क साधला असता त्यांच्याशी संपर्क झाला नाही त्यामुळे आपली फसवणूक झाली असल्याचे शांताराम यांच्या निदर्शनास आल्याने याबाबत शांताराम ज्ञानदेव साळके सध्या रा. कोरेगाव भीमा ता. शिरुर जि. पुणे मूळ रा. वाळकी ता. दौंड जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी भीमा एकनाथ पवार रा. शिंदी ता. चाळीसगाव जि. जळगाव, गोकुळ जबू राठोड रा. कोळवाडी ता. कन्नड जि. औरंगाबाद, प्रेमसिंग बाबू राठोड ता. तीसगाव ता. खुलताबाद जि. औरंगाबाद यांच्या विरुद्ध फसवणूक प्रकरणी गुन्हे दाखल केले असून सदर गुन्ह्याचा पुढील तपास पोलिस निरीक्षक दिपरतन गायकवाड यांच्या मार्गदर्शनाखाली पोलीस हवालदार महेंद्र पाटील हे करत आहे.
