जातेगाव बुद्रुकच्या विद्यालयात युवतीचा विनयभंग
शिरूर
( प्रतिनिधी ) जातेगाव बुद्रुक ता. शिरुर येथील श्री संभाजीराजे महाविद्यालयात खेळाच्या मैदानावर मैत्रिणींसोबत बसलेल्या युवतीचा विनयभंग केल्याची घटना घडली असल्याने शिक्रापूर पोलीस स्टेशन येथे तुषार भुजबळ या युवकावर गुन्हा दाखल करण्यात आला आहे.
जातेगाव बुद्रुक ता. शिरुर येथील श्री संभाजीराजे विद्यालयात शिक्षक घेणारी अल्पवयीन युवती खेळाच्या मैदानात मैत्रिणींसोबत गप्पा मारत बसलेली असताना तुषार भुजबळ मैदानात आला त्याने युवतीशी बोलून तू माझ्याशी बॉल नाहीतर मी जीवाचे बरे वाईट करुन घेईन अशी धमकी दिली, त्यांनतर तुषार याने युवतीचा हात पकडून युवतीच्या मनास लज्जा निर्माण होईल असेवर्तन केले, घडलेल्या प्रकाराबाबत युवतीने आपल्या कुटुंबियांना माहित देत शिक्रापूर पोलीस स्टेशन येथे फिर्याद दिल्याने पोलिसांनी तुषार भुजबळ ( पूर्ण नाव माहित नाही ) रा. शिक्रापूर ता. शिरुर जि. पुणे याच्या विरुद्ध विनयभंग प्रकरणी गुन्हा दाखल केला असून पुढील तपास पोलिस निरीक्षक दिपरतन गायकवाड यांच्या मार्गदर्शनाखाली पोलीस उपनिरीक्षक महेश डोंगरे हे करत आहे.
स्वतंत्र चौकट १ –
राजकीय नेत्याच्या विद्यालयात वारंवार होणाऱ्या घटनेने खळबळ . . . .
जातेगाव बुद्रुक ता. शिरुर येथील श्री संभाजीराजे विद्यालय एका राजकीय नेत्याचे असून येथील युवतींबाबत वारंवार विनयभंगाच्या घटना घडत असल्याचे समोर आले असून काही गुन्हे दाखल झाले आहे, मात्र राजकीय नेत्याच्या विद्यालयात वारंवार होणाऱ्या घटनेने खळबळ उडाली आहे.
