सासवड येथील श्रीशाज आईस्क्रीम पार्लर चालकावर गोळीबार करून फरार झालेल्या सहा जणांना पुणे ग्रामीण स्थानिक गुन्हे अन्वेषण शाखेच्या पथक व सासवड पोलीस स्टेशनचे पथक यांनी जेरबंद केले असून, त्यांच्याकडून दोन पिस्टल व पाच जिवंत काडतुसे असे जप्त केली आहे.यामध्ये एका अल्पवयीन बालकाचा समावेश असून आणखी तिघेजण फरार आहेत.
गोळीबारा नंतर सासवड परिसरात खळबळ उडाली होती परंतु गुन्हेगारांना स्टोरी अटक केल्याने पोलिसांचे कौतुक होत आहे.
अजय संभाजी जगताप (वय ४२ वर्षे), दयानंद संभाजी जगताप (वय ३५ वर्षे), प्रताप संभाजी जगताप (वय ३८ वर्षे, तिघे मुळ रा. मांडकी ता. पुरंदर जि. पुणे) ,सुजल तमन्ना आंबेघर (वय २० वर्षे, रा. चंदननगर, खराडी पुणे), सुमित कमलाकर वाघमारे वय (१९ वर्षे, उंड्री होलेवस्ती, पुणे), यांना अटक केली आहे. व एक अल्पवयीन याला हि ताब्यात घेतले आहे.
याबाबत पोलिसांनी दिलेली माहिती पुढीलप्रमाणे दिनांक १९ जुलै २४ रोजी दाखल असून गुन्हयातील जखमी राहुल नामदेव टिळेकर (वय ३८ वर्षे, रा. सोळंकी टॉवर्स सासवड ता. पुरंदर जि पुणे) याचे सासवड एसटी स्टैंड समोर " श्रीशा'ज" आईस्क्रीम पार्लर असून दि. १८ जुलै २४ रोजी दुपारी साडे तीन वाजण्याच्या सुमारास राहुल टिळेकर हा त्यांचे आईस्क्रीम पार्लर मध्ये काउंटरवर बसलेला असताना दोघा जणांनी दुकानात येवून आईस्क्रीम घेतली व आईस्क्रीम खाऊन झाले नंतर त्यातील एकाने राहुल टिळेकर याचेवर बंदुकीतून एक गोळी झाडून रोडवरील त्यांचे तिसऱ्या साथीदाराचे मोटार सायकलवर बसून पळून गेले होते.
याबाबत विजय नामदेव टिळेकर याने सासवड पोलीस स्टेशन येथे फिर्याद दिली होती.
सासवड शहरातील गजबजलेल्या ठिकाणी फायरींग झाल्याने ताबडतोब पुणे ग्रामीणचे पोलीस अधीक्षक पंकज देशमुख यांनी घटनास्थळी भेट दिली. घटनेचे गांभीर्य लक्षात घेवून स्थानिक गुन्हे शाखा, सासवड पोलीस स्टेशन कडील वेगवेगळी पथके तयार करून घटनास्थळालगतचे सीसीटीव्ही तपासून आरोपीचे मोटार सायकलचा माग काढून आरोपी ताब्यात घेण्याबाबत सुचना दिल्या होत्या .
तपासकामी नेमण्यात आलेल्या पथकांनी संयुक्तरीत्या फिर्यादी याचेकडे विचारपूस केली असता, राहुल टिळेकर याने प्रताप जगताप व त्याचे पत्नीचा नेहमी होणारा कौटुंबिक वादविवाद बऱ्याच वेळी मिटविला होता, त्यामुळे प्रताप जगताप हा राहुल टिळेकर याचेवर चिडून होता. जखमी राहुल टिळेकर याचे प्रताप जगताप, अजय जगताप, दयानंद जगताप यांचे सोबत वाद झाला होता, त्यादरम्यान "आमचे कौटुंबिक वादात पडू नको, नाहीतर राहुल टिळेकर यास गोळया घालीन" अशी धमकी जगताप भावंडांनी विजय टिळेकर याचे जवळ दिली होती.
त्यामुळे फिर्यादी व जखमी यांचा जगताप भावंडांनीच गुन्हा करणेसाठी अनोळखी इसम पाठविले आहेत. असे तपासात समोर आले. पुणे ग्रामीण स्थानिक गुन्हेशाखा व सासवड पोलीस स्टेशनचे तपास पथकांनी गुन्हयाचे अनुषंगाने गोपनीय बातमीदाराचे बातमीवरून अजय जगताप ,दयानंद जगताप , प्रताप जगताप, सुजल आंबेघर, सुमित वाघमारे व एक अल्पवयीन यांना ताब्यात घेऊन त्यांच्याकडून दोन गावठी पिस्तुल, पाच जिवंत काडतूस असा एकूण एक लाख पाच हजार रूपये किंमतीचा मुद्देमाल हस्तगत करणेत आलेला आहे.
आलेले असून त्याची रवानगी बालसुधारगृहात करणेत आलेली आहे. जखमी राहुल टिळेकर याचेवर नोबेल हॉस्पीटल पुणे येथे उपचार चालु आहेत. गुन्हयात आणखी तीन आरोपींचा सहभाग असल्याचे तपासात निष्पन्न झाले असून त्यांचा शोध चालु असून त्याकरीता दोन पथके रवाना करणेत आलेली आहेत.
सदरची कामगिरी पुणे ग्रामीणचे पोलीस अधीक्षक पंकज देशमुख, बारामती विभागाचे अपर पोलीस अधीक्षक संजय जाधव, एस.डी.पी.ओ. तानाजी बरडे, भोर विभाग, यांचे मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, सासवड पोलीस स्टेशनचे पोलीस निरीक्षक ऋषीकेश अधिकारी, स्थानिक गुन्हे अन्वेषण विभागाचे पोलीस उपनिरीक्षक योगेश लंगुटे, राहूल गावडे, पोसई प्रदीप चौधरी, अमित सिद-पाटील, सासवडचे सहाय्यक पोलीस निरीक्षक नितीन अतकरे, पोलीस उपनिरीक्षक अतुल खंदारे, श्रीराम पालवे, अर्जुन चोरगे, स्थानिक गुन्हे शाखेचे पोलीस अंमलदार बाळासाहेब कांरडे, सचिन घाडगे, अजित भुजबळ, असिफ शेख, राजू मोमीन, अतुल डेरे, योगेश नागरगोजे, मंगेश थिगळे, धीरज जाधव, विनोद पवार, स्वप्नील अहिवळे, अमोल शेडगे, अक्षय सुपे, सासवडचे पोलिस अंमलदार निलेश जाधव, सुरज नांगरे, लियाकत मुजावर, प्रतिक धिवार, वैभव मदने, विकास ओंबासे, तेजस शिवतरे यांनी केली असून पुढील तपास सासवड पोलीस स्टेशनचे पोलीस निरीक्षक ऋषीकेश अधिकारी हे करत आहेत.
