शिरूर दिनांक (प्रतिनिधी )
दहिवडी ता. शिरुर येथील मांजरेवस्ती येथे यश शरद गायकवाड या दहा वर्षीय बालकाचा उसाच्या शेतात मृतदेह मिळून आल्याने खळबळ उडालेली असताना बिबट्याचा हल्ला झाल्याची शक्यता वर्तवली जात असताना नुकतीच जुन्नर विभागाचे सहाय्यक वनसंरक्षक अमित भिसे व वनपरिक्षेत्र अधिकारी प्रताप जगताप यांनी मृताच्या कुटुंबियांची भेट घेतली आहे.
दहिवडी ता. शिरुर येथील मांजरेवस्ती येथे यश गायकवाड हा दुपारच्या सुमारास घराच्या पाठीमागे शौचास गेलेला असताना सायंकाळच्या सुमारास यशचा मृतदेह ऊसाच्या शेतात मिळून आल्याने यशला बिबट्याने ऊसाच्या शेतात नेल्याचे बोलले जाऊ लागले खळबळ उडाली मात्र मृत्यूचे नेमके कारण स्पष्ट झालेले नसताना देखील वनविभागाने विशेष खबरदारी घेत सदर परिसरात पिंजरे लावत बिबट्या पकडण्याच्या उपाययोजना सुरु केलेल्या असताना जुन्नर विभागाचे सहाय्यक वनसंरक्षक अमित भिसे यांनी शिरुर वनपरिक्षेत्र अधिकारी प्रताप जगताप, वनपाल गौरी हिंगणे, गणेश पवार, वनरक्षक वनरक्षक प्रमोद पाटील, बबन दहातोंडे, विशाल चव्हाण, संतोष भुतेकर, नारायण राठोड यांच्या उपस्थितीत मृत यशच्या कुटुंबियांची भेट घेतली यावेळी जिल्हा परिषद सदस्या रेखा बांदल, माजी सरपंच संतोष दौंडकर, उपसरपंच वाल्मिक सातकर, अनिल वडघुले, राजेंद्र जाधव, गोरक्ष काळे, संतोष मुळीक, गजानन इंगळे, अनिल मांजरे, राहुल लवांडे यांसह आदी उपस्थित होते, दरम्यान मृत बालकाचे रक्ताचे नमुने तपासणीसाठी पाठवले असून अहवाल नंतर मृत्यूचे कारण समोर येईन तसेच सदर परिसरात बिबट्या पकडण्यासाठी पिंजरे लावलेले असून वनविभागाच्या वतीने आवश्यक सहकार्य केले जाईल असे सहाय्यक वनसंरक्षक अमित भिसे यांनी सांगितले.
स्वतंत्र चौकट २ –
रेखा बंदलांचे रुग्णालय सह घटनास्थळी ठाण . . . . . .
दहिवडी येथील यश गायकवाड बाबत घटना घडल्यानंतर जिल्हा परिषद सदस्या रेखा बांदल यांनी घटनास्थळसह रुग्णालयात धाव घेतली मात्र त्यांनतर पहिल्या दिवशी रात्री एक वाजेपर्यंत रुग्णालयात तर दुसऱ्या दिवशी घटनास्थळी ठाण मांडले होते, दरम्यान त्यांनी अधिकाऱ्यांना योग्य सूचना देत मृताच्या कुटुंबियांना धीर दिला.
फोटो खालील ओळ – दहिवडी ता. शिरुर येथे मृत बालकाच्या कुटुंबियांची भेट घेताना सहाय्यक वनसंरक्षक अमित भिसे व आदी.