शिरूर शहरातील तिघे दोन वर्षासाठी पुणे जिल्हा व अहिल्यानगर परिसरातून तडीपार - पोलिस निरीक्षक संदेश केंजळे
शिरूर, प्रतिनिधी
शिरूर करडे सरदवाडी एम आय डी सी परिसरात दहशत करणारे व सराईत गुन्हेगार संकेत महामुनी टोळीतील सदस्य मिसाळ दळवी महाजन तिघा जणांना पुणे ग्रामीण पोलीस अधिक्षक पंकज देशमुख यांनी दोन वर्षासाठी पुणे जिल्हा पुणे शहर व अहिल्यानगर येथील श्रीगोंदा पारनेर तालुक्यातून तडीपार (हद्दपार) केले असल्याची माहिती शिरूर पोलिस स्टेशन पोलिस निरीक्षक संदेश केंजळे यांनी दिली आहे.
" पुणे ग्रामीण पोलीस अधिक्षक पंकज देशमुख यांनी शिरूर पोलीस ठाणे हददीत व करडे-सरदवाडी एम.आय.डी.सी येथे दहशत करणारे रेकॉर्डवरील सराईत गुन्हेगार संकेत महामुनी टोळी सदस्य
घ्या उर्फ अभिषेक हनुमान मिसाळ (वय २३वर्षे रा. सोनारआळी शिरूर ता. शिरूर जि. पुणे), शुभम दत्तात्रय दळवी (रा. प्रितमप्रकाशनगर शिरूर ता. शिरूर जि. पुणे),गणेश उर्फ श्रीरंग शंकर महाजन (वय ३०वर्षे रा. गोलेगाव ता. शिरूर जि. पुणे ) या तिघांना तडीपार करण्यात आले आहे.
शिरूर पोलीस स्टेशन हददीमध्ये सन २०१६ ते सन २०२४ या कालावधीमध्ये टोळीप्रमुख संकेत संतोष महामुनी याने त्याची एक स्वंतत्र टोळी तयार करून सदर टोळीने एकत्रीतरित्या शिरूर पोलीस स्टेशन हददीत मध्ये, रांजणगाव एम.आय. डी. सीमध्ये व शिरूर तालुक्यामध्ये गावठी पिस्तुलाचा वापर करून खुन करण्याचा प्रयत्न करणे, शिवीगाळ करणे, धमकी देणे, गंभीर व साधी दुखापत करणे, बेकायदेशिर जमाव जमवुन गुन्हा करणे, बेकायदा घातक हत्यारे गावठी पिस्तुले राजरोस सरासपणे जवळ बाळगणे गुन्हे करणेसाठी चिथावणे अशा प्रकारचे गुन्हे वेळोवेळी केले आहेत. याची गंभीर दखल पुणे ग्रामीण पोलीस अधीक्षक पंकज देशमुख यांनी घेऊन व औद्योगिक वसाहत परिसरात गुन्हेगारीला व टोळ्यांना आळा बसवण्यासाठी ही कार्यवाही करण्यात आली आहे.
सदर टोळीविरुध्द पंकज देशमुख पोलीस अधिक्षक पुणे ग्रामीण यांनी परिणामकारक प्रतिबंधक कारवाई करण्याबाबत पोलीस निरीक्षक शिरूर यांना सुचना दिली होती. त्या अन्वये पोलीस निरीक्षक शिरूर यांनी सन २०२४ मध्ये सदर टोळीविरुध्द महाराष्ट्र पोलीस कायदा ५५ प्रमाणे टोळीची पांगपांग होण्याकरीता प्रस्ताव हददपार प्राधिकारी तथा पोलीस अधिक्षक पुणे ग्रामीण यांना सादर केला होता.
त्यावर सुनावणी होवुन पोलीस अधीक्षक पंकज देशमुख पुणे ग्रामीण यांनी गंभीर दखल घेवुन सदर आरोपीना २ वर्षाकरीता पुणे जिल्हा (पिंपरी चिंचवड शहर व पुणे शहर), अहिल्यानगर (अहमदनगर )जिल्हयातील पारनेर व श्रीगोंदा तालुक्यांतून दिनांक. २ एप्रिल २०२५ पासुन तडीपार करण्यात आले आहे.
शिरूर पोलीस स्टेशन हददीत शिरूर तालुक्यामध्ये व औदयोगीक क्षेत्रांमध्ये दहशत व गुंडगीरी करणा-यांवर अशाच प्रकारे कठोर कार्यवाही करण्यात येणार आहे.
संदेश केंजळे,पोलिस निरीक्षक,शिरूर.
वरील आरोपीवर ठोस प्रतिबंधक कार्यवाही करून तडीपार ( हददपार) करणेकामे शिरूर उपविभागीय पोलीस अधिकारी प्रशांत ढोले, पुणे ग्रामीण स्थानिक गुन्हे शाखेचे पोलीस निरीक्षक अविनाश शिळीमकर, शिरूरचे पोलीस निरीक्षक संदेश केंजळे यांच्या मार्गदर्शनाखाली पोलीस उपनिरीक्षक शुभम चव्हाण,पोलीस हवालदार परशराम सांगळे, पोलीस अमंलदार सचिन भोई तसेच स्थानिक गुन्हे शाखा पुणे ग्रामीणचे पोलीस हवालदार महेश बनकर, रामदास बाबर तसेच शिरूर पोलीस ठाण्याचे पोलीस हवालदार नाथसाहेब जगताप, पोलीस अमंलदार नितेश थोरात, निरज पिसाळ, विजय शिंदे, रविंद्र आव्हाड, अजय पाटील, निखील रावडे यांनी कामकाज पाहीले आहे
