( प्रतिनिधी ) शिक्रापूर ता. शिरुर येथील पुणे नगर महामार्गावरुन रस्ता ओलांडणाऱ्या अज्ञात इसमाला दुचाकीची धडक बसून अज्ञात इसम जागीच ठार होऊन दुचाकीवर पाठीमागे बसलेला इसम जखमी झाल्याची घटना घडली असल्याने शिक्रापूर पोलीस स्टेशन येथे हरीओम रणजीत गायकवाड याच्या विरुद्ध गुन्हा दाखल करण्यात आला आहे.
शिक्रापूर ता. शिरुर येथील पुणे नगर महामार्गालगत असलेल्या जित हॉटेल सामोतून एक अज्ञात इसम रस्ता ओलांडत असताना अहमदनगर बाजूकडून येणाऱ्या एम एच १६ डी एच ६७१५ या दुचाकीची सदर इसमाला धडक बसून दुचाकीवरील दोघांसह रस्ता ओलांडणारा इसम रस्त्यावर पडला दरम्यान अज्ञात इसम गंभीर जखमी होत दुचाकीवर पाठीमागे बसलेला विकास शिंदे हा देखील जखमी झाला, यावेळी शेजारील नागरिकांनी जखमींना उपचारासाठी शिक्रापूर येथील रुग्णालयात दाखल केले असता डॉक्टरांनी अज्ञात व्यक्तीचा उपचारापूर्वी मृत्यू झाल्याचे घोषित केले तर दिचाकीवर पाठीमागे बसलेला विकास आजिनाथ शिंदे वय २३ वर्षे रा. तुळजाभवानी नगर खराडी पुणे हा जखमी झाला असून याबाबत अमोल बापू नप्ते वय ३४ वर्षे रा. शिक्रापूर ता. शिरुर जि. पुये यांनी शिक्रापूर पोलीस स्टेशन येथे फिर्याद दिल्याने पोलिसांनी हरीओम रणजीत गायकवाड वय १९ वर्षे रा. खराडी पुणे मूळ रा. औरा शहाजणी ता. निलंगा जि. लातूर याचे विरुद्ध गुन्हा दाखल केला असून पुढील तपास पोलीस हवालदार हनुमंत गिरमकर हे करत आहे.
