शिक्रापूर गावात ग्रामपंचायत कडून फवारणी
( प्रतिनिधी ) शिक्रापूर ता. शिरूर परिसरामध्ये अनेक ठिकाणी तापाच्या आजाराने नागरिक ग्रासलेले असून काही नागरिकांना डेंगू सह आदी आजार झाल्याचे समोर आलेले असताना खबरदारी म्हणून ग्रामपंचायत प्रशासनाकडून गावामध्ये सर्वत्र फवारणी करत निर्जंतुकीकरण करण्यात येत आहे.
शिक्रापूर ता. शिरूर परिसरामध्ये सध्या स्वच्छतेचा मोठ्या प्रमाणात अभाव होत असताना अनेक ठिकाणी गवत आणि पाण्याचे डबके वाढले असून डासांच्या उपद्रवामुळे काही नागरिकांना डेंगू आजाराने ग्रासले असून अनेक नागरिकांना डेंगू सदृश आजाराची लक्षणे दिसून येत आहे, गावातील अनेक रुग्णालयात डेंगूसदृश आजाराचे रुग्ण उपचार घेत असल्याने परिसरात खळबळ उडाली असताना ग्रामपंचायत प्रशासन सतर्क झाले असून ग्रामपंचायत कर्मचारी विलास पवार, राहुल राजगुरु, योगेश केवटे यांच्या माध्यमातून गावामध्ये सर्वत्र फवारणी करुन गाव निर्जंतुकीकरण करण्याच्या उपाययोजना राबवण्यात येत आहे. तर गावामध्ये नागरिकांच्या आरोग्याचा प्रश्न लक्षात घेता ग्रामपंचायतने वेळीच पावले उचलली असल्याने नागरिक देखील समाधान व्यक्त करत आहे.
फोटो खालील ओळ – शिक्रापूर ता. शिरुर गावामध्ये फवारणी करताना ग्रामपंचायत कर्मचारी.
