केंदूरमध्ये नवविवाहितेची गळफास घेऊन आत्महत्या
( प्रतिनिधी ) केंदूर ता. शिरुर येथील पाचवड वस्ती येथील चार महिन्यांपूर्वी विवाह झालेल्या नवविवाहितेने घरात गळफास घेऊन आत्महत्या केल्याची घटना असल्याने शिक्रापूर पोलिसांत आकस्मात मृत्यू प्रकरणी नोंद करण्यात आली असून साक्षी विशाल साकोरे असे नवविवाहितेचे नाव आहे.
केंदूर ता. शिरुर येथील साक्षी साकोरे या महिलेचा चार महिन्यांपूर्वी विवाह झालेला होता, ४ सप्टेंबर रोजी सायंकाळच्या सुमारास साक्षीने घरात गळफास गेल्याचे कुटुंबियांच्या निदर्शनास आले, याबाबतची माहिती विवाहितेच्या आई वडिलांना कळताच त्यांनी घटनास्थळी येत नातेवाईकांच्या मदतीने साक्षीला उपचारासाठी रुग्णालयात हलवले मात्र साक्षी विशाल साकोरे वय २२ वर्षे रा. पाचवड वस्ती केंदूर ता. शिरुर जि. पुणे या नवविवाहितेचा मृत्यू झाल्याचे घोषित केले, याबाबत विवाहितेची आई मालती बाळासाहेब दौंडकर वय ४२ वर्षे रा. कन्हेरसर ता. खेड जि. पुणे यांनी शिक्रापूर पोलीस स्टेशन येथे खबर दिल्याने पोलिसांनी आकस्मात मृत्यू प्रकरणी नोंद केली असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवलदार संतोष शेळके हे करत आहे.
