शिरूर नगरपरिषदेच्या वतीने सर्व मालमत्ता धारकांनी सन २०२५-२०२६ या आर्थिक वर्षातील व यापूर्वी असलेल्या थकबाकीदार यांनी मिळकती (घरपट्टी) वरील कर व पाणीपट्टी कर भरावा असे आवाहन मुख्याधिकारी प्रीतम पाटील यांनी करुन मिळकत कर न भरणाऱ्यांवर कडक कारवाईचा इशाराही त्यांनी दिला आहे.
नगरपरिषदे मार्फत सर्व मिळकत धारकांचे घरपट्टी व पाणीपट्टी बिलांचे वाटप करण्यात आलेले आहे. तसेच नगरपरिषद अधिकारी कर्मचारी हे दैनंदिन प्रत्येक वॉर्ड निहाय घरोघरी जाऊन सदरील बिले भरणेबाबत जागृती करीत आहे. यामध्ये नागरिकांनी उशिरा मिळकत कर भरल्यास त्यांनी प्रति माह 2% व्याज दंडाच्या स्वरूपात भरावे लागू शकतात. त्याकरणाने सर्व मिळकत धारकांनी लवकरात लवकर मिळकत कर व पाणीपट्टी कर भरावे. अन्यथा थकबाकी मिळकतवर जप्तीची किंवा मालमत्ता सील करण्याची कारवाई करण्यात येईल आता इशाराही देण्यात आला आहे.
हा कर आपण घर बसल्या शिरूर नगरपरिषदेच्या Shirurnp.org या संकेत स्थळाला भेट देऊन आपल्या मालमत्तेवर किती कर आहे याबाबतची माहिती जाणून घेऊ शकतात. हे देयक G-Pay, Phone Pay, Paytm, किंवा सर्व प्रकारच्या कार्ड द्वारे ऑनलाइन स्वरूपात भरू शकता. किंवा शिरूर नगरपरिषदेच्या कार्यालयात कार्यालयीन वेळेत नागरी सुविधा केंद्रात भरणा करू शकता शिरूर नगरपरिषद हद्दीतील सर्व नागरिकांनी लवकरात लवकर आपले कडे असलेले मिळकत व पाण्याबाबतचे देयकातील रक्कमेचा ऑनलाइन अथवा नगरपरिषद कार्यालयात येऊन भरणा करून नगरपरिषदेस सहकार्य करून नगरपरिषदेच्या विकासकार्यात हातभार लावण्याचे आवाहन मुख्याधिकारी प्रितम पाटील यांनी केले आहे.
शिरूर नगरपरिषद घोडनदीच्या करसंकलन विभागाने मुख्याधिकारी प्रीतम पाटील यांच्या मार्गदर्शनाखाली मालमत्ता कर थकबाकीदारांविरुद्ध कठोर पावले उचलली आहेत. आर्थिक वर्ष संपण्यास अवघे काही दिवस शिल्लक असल्याने, कर वसुलीची मोहीम तीव्र करण्यात आली आहे. या अंतर्गत, थकबाकीदारांच्या मालमत्तांवर जप्तीची कारवाई ला सुरुवात झाली असून आज दि.05/02/2025 ला नगर परिषद भाजी बाजार मधील गाळा क्र. 16 थकीत मालमत्ता करापोटी सील करण्यात आला आहे.
याकर वसुली करीता करनिरिक्षक अक्षय बनगीनवार ,सहाय्यक कर निरिक्षक दिपक कोल्हे ,अमृत भवर विनय उबाळे ,अनिल चव्हाण ,चंद्रकांत पठारे या पथकाची नियुक्ती करण्यात आली आहे.
