शिरूर पोलीस स्टेशन हद्दीमध्ये सप्टेंबर महिन्यामध्ये मिसिंग झालेल्या चार अल्पवयीन मुलींचा शिरूर पोलीस स्टेशनच्या पथकाने शोध घेऊन त्यांना पालकांच्या स्वाधीन केले असल्याचे शिरूर पोलीस स्टेशनचे पोलीस निरीक्षक संदेश केंजळे यांनी सांगितले आहे. तर तीन महीला व सहा मुलींचा शोध घेऊन त्यांनाही त्यांच्या नातेवाईकांकडे देण्यात आले आहे.
शिरूर पोलीस स्टेशनच्या या कामगिरीबद्दल शिरूर शहर व तालुक्यातून कौतुक होत आहे
शिरूर पोलीस स्टेशन हद्दीतून गेल्या काही महिन्यांपासून महिला व अल्पवयीन मुली मिळून ११ बेपत्ता झाल्या होत्या. तर सप्टेंबर २०२४ मध्ये शिरूर पोलीस स्टेशन येथे चार अल्पवयीन मुली यांना पळवुन नेलेबाबत वेगवेगळे चार गुन्हे दाखल असुन चारही मुलींचा शोध घेवुन त्यांना सुखरूप त्यांचे पालकांचे ताब्यात देण्यात आले आहे.
तसेच शिरूर पोलीस स्टेशन येथे चार महीला व सहा मुली मिसींग झालेबाबत पोलीस स्टेशन येथे तकारी दाखल असुन त्यापैकी तीन महीला व सहा मुली यांचा शोध घेवुन त्यांना सुखरूप त्यांचे नातेवाईक यांचे ताब्यात देण्यात आले आहे.
ही कारवाई पुणे ग्रामीण पोलीस अधीक्षक पंकज देशमुख, पुणे विभाग अप्पर पोलीस अधीक्षक रमेश चोपडे, शिरूर उपविभागीय पोलिस अधिकारी प्रशांत ढोले यांच्या मार्गदर्शनाखाली शिरूर पोलीस स्टेशनचे पोलीस निरक्षक संदेश केंजळे यांच्या पोलीस पथकाने केली आहे.
