शिरुर तालुक्यात पुर्व भागात मोठ्या प्रमाणात होत असलेल्या धोकादायक ऊस वाहतुक करणाऱ्या तीन ट्रॉली ट्रॅक्टर मुळे अनेक अपघात झाले असून रस्त्यांची ही यामुळे दूर अवस्था झाली आहे .अशा धोकादायकपणे वाहतूक करणाऱ्या तीन ट्रॉली ट्रॅक्टर वर कारवाई करावी अशी मागणी शिवसेना उद्धव बाळासाहेब ठाकरे गटाकडून केली आहे..
यावेळी शिवसेना उद्धव बाळासाहेब ठाकरे पक्ष माजी उपतालुकाप्रमुख अनिल पवार, योगेश ओव्हाळ, माजी शहर प्रमुख सुनील चौधरी, शाखाप्रमुख आबासाहेब काळे, योगेश काळे, उपस्थित होते
ट्रॅक्टरवर कारवाई करावी अशी मागणी शिवसेना उद्धव बाळासाहेब ठाकरे पक्षाचे माजी तालुकाप्रमुख अनिल पवार यांनी निवेदनाद्वारे केली आहे.
याबाबतचे निवेदन शिरूर ते त्यातील बाळासाहेब म्हस्के व शिरूर पोलीस स्टेशनचे पोलीस निरीक्षक संदेश केंजळे यांना देण्यात आले आहे.
यावेळी शिवसेना उद्धव बाळासाहेब ठाकरे पक्ष माजी उपतालुकाप्रमुख अनिल पवार, योगेश ओव्हाळ, माजी शहर प्रमुख सुनील चौधरी, शाखाप्रमुख आबासाहेब काळे, योगेश काळे, उपस्थित होते
शिरुर पूर्वभागात ऊस बागायत क्षेत्र मोठ्या प्रमाणात असून ,तालुक्यात आडसाली व हंगामी लागवड होत असते व तो ऊस वर्षभर तोडणीसाठी उपलब्ध असतो.साखर कारखाना हंगाम बंद झाल्यानंतर रसवंतीगृह व गुऱ्हाळासाठी ऊसतोड चालू असते. शेतकरी आपल्या ऊसाचे नियोजन करुन गुऱ्हाळ मालकास ऊस विकत असतो. त्यातुन शेतकऱ्यांचा आर्थिक फायदा होत असतो.
गुन्हाळ मालक ऊसाच्या फडातून ऊस गुऱ्हाळापर्यंत वाहतुक करण्यासाठी ट्रॅक्टर व ट्रेलरचा उपयोग करत असतो. यामध्ये एका ट्रॅक्टरला दोन ट्रेलर जोडणे अपेक्षीत असताना सर्रास तीन ट्रेलर जोडले जात असून स्वतःचा आर्थिक फायदा होण्यासाठी ही युक्ती लढवली जात आहे परंतु यामुळे वाहतुकाच्या नियमांची पायमल्ली तर होतीच त्याबरोबर तीन ट्रॉली उसाने भरलेले ट्रॅक्टर यामुळे वाहतुकीची कोंडी, सतत होणारे अपघात, रस्त्याची दुरावस्था मोठ्या प्रमाणात होत आहे. यामुळे जीवित हानी होण्याची शक्यता आहे त्यामुळे एखादा अपघात होण्यापूर्वी प्रशासनाने या वाहतुकीवर बंदी आणावी अश मागणी निवेदनात केली आहे.
उसाने भरलेल्या तीन ट्रॉली ट्रॅक्टर मुळे त्यात ओव्हरटेक करणे मोठे जिकरीचे होते आहे. ऊस वाहतूक करणाऱ्या ट्रॅक्टरच्या ट्रेलरला अनेकवेळा नंबर प्लेट नसतात. तसेच महत्त्वाचे म्हणजे पाठीमागच्या बाजूला रिफ्लेक्टर व रेडियम लावणे बंधनकारक असताना सुध्दा तेही अनेकवेळा लावलेले दिसून येत नाही. त्यामुळे रात्रीच्या वेळी ट्रॅक्टर चाललेला पाठीमागुन दिसत नसल्याने पाठीमागुन वाहनाची धडक बसुन अनेक अपघात झाले आहेत.
