शिक्रापुरात विरुद्ध दिशेने कारला धडकून दुचाकीस्वार ठार तिघे जखमी
शिक्रापूर ता. शिरुर येथील बजरंगवाडी येथे पुणे नगर महामार्गावर दुचाकीवर दोघा मित्रांना बसवून एका दुचाकीहून जाणाऱ्या तिघांच्या दुचाकीची समोरील कारला धडक बसून झालेल्या अपघातात दुचाकी चालक इसमाचा जागीच मृत्यू होऊन दुचाकीवरील दोघांसह कार मधील एक इसम जखमी झाला आहे.
या अपघातात राम पियारे चव्हाण (रा. बजरंगवाडी ता. शिरुर जि. पुणे मूळ रा. तीरुखा जि. जगदीश पूर बस्ती उत्तरप्रदेश) याचा जागीच मृत्यू झाला तर दुचाकीवर पाठीमागे बसलेले अमरजीत रामसमुझ व राज सुरेश बहाद्दूर (दोघे रा. बजरंगवाडी शिक्रापूर ता. शिरुर जि. पुणे )तसेच कार मध्ये चालकाशेजारी बसलेले साईनाथ नाना निकम (रा. शिक्रापूर ता. शिरुर जि. पुणे) हे देखील जखमी झाले.
याबाबत कारचालक प्रतिक भरत दराडे (वय २४ वर्षे रा. चाकण रोड शिक्रापूर या. शिरुर जि. पुणे) यांनी शिक्रापूर पोलीस स्टेशन येथे फिर्याद दिली आहे.
शिक्रापूर पोलीस स्टेशन येथे राम पियारे चव्हाण या मयत दुचाकी चालकावर गुन्हा दाखल करण्यात आला आहे.
याबाबत पोलिसांनी दिलेली माहिती पुढीलप्रमाणे शिक्रापूर ता. शिरुर येथील पुणे नगर महामार्गावरून प्रतिक दराडे व साईनाथ निकम हे दोघे त्यांच्या ताब्यातील एम एच ०६ एम ९४०९ या कार मधून पुणे बाजूकडे चाललेले असताना समोरून पुणे बाजूने विरुध्द दिशेने एम एच १२ डी एक्स ८०८५ या दुचाकीहून तिघेजण भरधाव वेगाने आले यावेळी दुचाकीची समोरील कारला धडक बसून अपघात झाला, दरम्यान झालेल्या अपघातात दुचाकीचालक राम पियारे चव्हाण याचा जागीच मृत्यू झाला तर पाठीमागे बसलेले दोघे व कार मधील एकजण असे तिघे जखमी झाले आहेत.
फिर्यादीनुसार पोलिसांनी राम पियारे चव्हाण( रा. बजरंगवाडी शिक्रापूर ता. शिरुर जि. पुणे) याच्या विरुद्ध गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार हनुमंत गिरमकर हे करत आहे.
