विजयादशमी दसरा सणा निमित्त हजारो भाविकांनी श्री घोडोबाचे दर्शन घेऊन सीमोल्लंघन केले आहे यावेळी मोठ्या प्रमाणात दर्शनासाठी भक्तांनी रांग लावली होती.
शिरूर शहराच्या वतीने दरवर्षीप्रमाणे यंदाही मोठ्या प्रमाणात श्री घोडोबा देवस्थान परिसर विद्युत रोषणाईने झळकला होता.
शिरूर शहराच्या प्रथेनुसार दरवर्षी विजयादशमी दसऱ्याच्या सणा निमित्त शहरातील नागरिक प्रथम घोडोबा येथे येऊन घरात घटामध्ये उगवलेले धान्य व सोने (आपट्याची पाने )अर्पण करतात. त्यानंतर देवाला प्रदक्षण घातल्यानंतर जुन्या पिढीतील वसंत जोशी महाराज गुरुजी आलेल्या प्रत्येक जणाला औक्षण करतात व आशिर्वाद देत असतात.
अशी होती काही वर्षांपूर्वी शिरूर ची परंपरा
शिरूरच्या परंपरेनुसार विजयादशमी दसरा सणाच्या दिवशी परंपरेनुसार दुपारी शिरूर शहरातील मोठी तालीम ,छोटी तालीम, जय भवानी काची येथील तालीम, यांच्यावतीने शिरूर पाचकंदील चौकामध्ये मल्लखांब चे प्रात्यक्षिक दाखवण्यात येत होते. यामध्ये मोठी चुरस या तालमी मध्ये होत होती. मोठ्या प्रमाणात नागरिक हे प्रात्यक्षिक पाहण्यासाठी येत असत.
त्यानंतर सायंकाळी काचीआळी येथील सौंदडी झाडापासून मोठ्या थाटामाटा मध्ये पालखी मिरवणूक निघत असे वाजत गाजत आलेल्या या पालखीचे पाच कदील चौक येथे शिरूर चे नगराध्यक्ष हे शिरूर तहसीलदार, पोलीस अधिकारी, यांच्या उपस्थितीमध्ये या पालखीचे स्वागत करून शहरातील नागरिक व नागराध्यक्ष, अधिकारी हे श्री घोडोबा येथे सीमोल्लंघन करायला जात असे. तेथे श्री घोडोबाचे दर्शन घेतल्यानंतर रामआळी येथील राम मंदिरामध्ये रामाचं दर्शन घेऊ मग प्रत्येक नागरिक एकमेकांना आपट्याची पाने देऊन दसरा सणाच्या शुभेच्छा देऊन आपापल्या घरी जात असत.
अशी दसरा सणाची शिरूर शहराची परंपरा मात्र गेल्या अनेक वर्षापासून बंद झाली आहे. आणि ते झाड ही आता राहीले नाही.
