कोलवडी ता.हवेली येथे बिबट्याने वासरावर केला हल्ला
कोलवडी ता.हवेली येथील भालसिंग वस्तीवर शेतकरी दत्तात्रय विष्णु जोरे यांच्या घरासमोर पटांगणात म्हैस, वासरू व इतर जनावरे बांधली होती. मंगळवार (ता.८) रोजी मध्यरात्री येथे दबा धरून बसलेल्या बिबट्याने वासरावर हल्ला करून त्याला जागीच ठार करून नंतर ऊसाच्या शेतात घेऊन गेला. या हल्ल्याचे सी सी टी व्ही फुटेज उपलब्ध झाल्याने तो बिबट्या किती मोठा आहे यावरून दिसते. या वस्तीवर या बिबट्याचा वावर वाढला असल्याचे दत्तात्रय जोरे, संजय गायकवाड, आनंदा मुरकुटे यांनी सांगितले.
पंधरा दिवसांपुर्वी संजय गायकवाड यांच्या दोन शेळ्या या बिबट्याने फस्त केल्या होत्या. यानंतर आठ दिवसांपूर्वी दत्तात्रय आव्हाळे यांच्या गुरांच्या गोठ्याजवळ हा बिबट्या बसला होता परंतु बंदीस्त गोठा असल्याने त्याला येथे शिकार करता आली नाही.
या बिबट्याचा कोलवडी आणि मांजरी परिसरात मोठा वावर वाढला असल्याने शेतकऱ्यांमध्ये भितीचे वातावरण तयार झाले आहे. शेतात पीकाला पाणी देण्यासाठी कसे जायचे? असा प्रश्न स्थानिक नागरिकांनी उपस्थित केला आहे. वनविभागाच्या कर्मचाऱ्यांना वारंवार या होत असलेल्या घटना कळविण्यात आल्या परंतु याकडे दुर्लक्ष केले जाते. जर बिबट्याने माणसावर हल्ला केला तर काय करायचे? याला जबाबदार कोण
