( प्रतिनिधी ) करंदी ता. शिरुर येथील पेट्रोल पंपमध्ये उभ्या असलेल्या एका ट्रकचे चार टायर व बॅटरी अज्ञात चोरट्यांनी चोरून नेल्याची घटना घडली असल्याने शिक्रापूर पोलीस स्टेशन येथे अज्ञात चोरट्यांवर गुन्हे दाखल करण्यात आले आहे.
याबाबत सतीश पांडूरंग पऱ्हाड (वय ३४ वर्षे रा. पऱ्हाडवाडी केंदूर ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिली आहे.
याबाबत शिक्रापूर पोलिसांनी दिलेली माहिती पुढील प्रमाणे करंदी ता. शिरुर येथील ईस्सार पेट्रोल पंप येथे पंपातील साहित्य घेऊन आलेला एम एच ०४ जि सि ३६०९ हा ट्रक उभा करुन ठेवलेला असताना, सकाळच्या सुमारास ट्रकच्या ट्रान्सपोर्टचे कर्मचारी सतीश पऱ्हाड हे ट्रक जवळ गेले असताना त्यांना ट्रकच्या पाठीमागील चार टायर नसल्याचे दिसल्याने त्यांनी ट्रकची पाहणी केली असता ट्रकची बॅटरी आणि चार टायर अज्ञात चोरट्यांनी चोरुन नेल्याचे निदर्शनास आले, याबाबत सतीश पांडूरंग पऱ्हाड वय ३४ वर्षे रा. पऱ्हाडवाडी केंदूर ता. शिरुर जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी अज्ञात चोरट्यावर गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार प्रशांत हे करत आहे.
फोटो खालील ओळ – करंदी ता. शिरुर येथे चोरट्यांनी लांबवलेले उभ्या ट्रकचे टायर.
