चासकमान कालव्याच्या चुकीच्या नियोजनामुळे पाण्याअभावी शेतकऱ्यांची पिके जळू नये यासाठी चासकमान विभागाने योग्य प्रकारे नियोजन करावे, सोडलेल्या पाण्यात या भागातील तलाव भरावेत अन्यथा शिरूर तालुका शिवसेना उद्धव बाळासाहेब ठाकरे पक्षाच्या वतीने तीव्र आंदोलन करण्यात येईल असा इशारा तालुका शेतकरी संघटनेचे अध्यक्ष योगेश ओव्हाळ यांनी दिला आहे.
आज चासकमान विभागचे अधिकारी मनिषा साळुंखे यांना शिवसेना उद्धव बाळासाहेब ठाकरे पक्ष शिरूर तालुका शेतकरीसेना यांच्या वतिने निवेदन देण्यात आलेआहे.
शिरुर तालुक्यातिल चासकमानच्या पाण्यावर अवलंबून असणार्‍या टेल टू हेड च्या सर्व शेतकर्यांना
जलसंपदा विभागाकडून पाणी वाटप नियमावली जाहीर करण्यात यावी,तालुक्यातील सर्व शेतकर्यांच्या शेतापर्यंत पाणी पोहोचले नसून म्हणून चासकमान प्रशासनाला विनंती आहे कि पूर्व भागातील मोटेवाडी,निमोणे,गुणाट,कोळगाव हे पाणी साठवणुकीचे मुख्य स्त्रोताचे शेतकर्यांसाठी तलाव आहेत,तरी हे सर्व तलाव ताबडतोब भरण्यात यावे व शेतकर्यांना दिशा दर्शक पाणी वाटपाचे वेळापत्रक जाहीर करून त्यांचा संभ्रम दूर करावा व सध्या शेतकर्यांची शेतात उभी असणारी सर्व पिके पाण्याअभावी जळणार नाही याची चासकमान विभागाने दक्षता घ्यावी.अन्यथा शिवसेना उद्धव बाळासाहेब ठाकरे पक्ष्याच्या वतीने तीव्र आंदोलन करण्यात येईल,असा ईशारा देण्यात आला,
यावेळी चासकणानचे अधिकारी मनिषा साळुंखे यांनी निवेदन स्विरकारले,शेतकरीसेना तालुकाप्रमुख योगेशभाऊ ओव्हाळ पाटील,उपतालुकाप्रमुख अनिलबापू पवार,ज्येष्ठ शिवसैनिक खुशालबापू गाडे,ग्राहक संरक्षण शहरप्रमुख सुनिल परदेशी उपस्थित होते.
