शिरूर तालुका खरेदी विक्री संघ पंचवार्षिक निवडणुकीसाठी उमेदवारी अर्ज छाननी मध्ये १९ जणांची उमेदवारी अर्ज बाद झाले असून, तीन जण बिनविरोध झाले असून,१२ गटातून
६४ उमेदवारांचे अर्ज शिल्लक राहिले असल्याची माहिती निवडणूक अधिकारी अरुण साकोरे यांनी दिली आहे. उत्तर या निवडणुकीसाठी उमेदवारी अर्ज मागे घेण्याचा दिनांक २७ फेब्रुवारी दुपारी तीन वाजेपर्यंत असणार असल्याचेही त्यांनी सांगितले.
बिनविरोध झालेली तीन उमेदवार यांची बिनविरोधी ही निकालाच्या दिवशी घोषित करण्यात येणार आहे.
रांजणगाव गटातून खरेदी विक्री संघाचे माजी अध्यक्ष राजेंद्र नरवडे, कारेगाव गटातून राहुल उर्फ किसन गवारे, पाबळ गटातून लहूनाना थोरात हे तिघेजण बिनविरोध झाले आहे.
शिरूर तालुका खरेदी विक्री संघाची निवडणूक बिनविरोध होईल की चुरशीची होईल याबाबत आज जरी सांगता आली नसली तरी या निवडणुकीमध्ये माजी आमदार अशोक पवार यांनी लक्ष घातले असल्याचेही दिसून येत आहे तर महायुतीकडून अजित दादा पवार गट अग्रेसिव झाला असल्याचे दिसून आले आहे. तर विद्यमान आमदार ज्ञानेश्वर कटके यांनी स्थानिक कार्यकर्त्यांवर निर्णय घेण्याची सांगितले असल्याचे कार्यकर्त्यांनी सांगितले.
शिरूर तालुका निवडणूक आता निश्चित झाली असली तरी या निवडणुकीच्या छाननीसाठी अनेकांनी हरकती घेतल्या होत्या परंतु या हरकती निवडणूक अधिकारी अरुण साकोरे यांनी फेटाळल्या असून, हरकत घेणाऱ्यांना पुढे अपील करता येणार असल्याचे त्यांनी सांगितले. तर जे १९ अर्ज छाननी मध्ये बाद झाले आहे त्यामध्ये दोन किंवा तीन डमी अर्ज,तीन अपत्य, दोन उमेदवारांना सूचक व तांत्रिकदृष्ट्या अपूर्ण माहिती या सबबीवर निवडणूक अधिकारी यांच्या अधिकारात बाद केले असलेचे समजते.
