या अपघातात १८ वर्षीय तरुणाचा मृत्यू तर मावस बहीण गंभीर जखमी
निमोणे ता. शिरूर येथे गुणाट निमोणे रस्त्यावर नायरा पेट्रोल पंपा जवळ रस्त्याच्या कडेला उभ्या असलेल्या मावस बहिण भावाला भरधाव वेगात आलेल्या बोलेरो कारणे उडवून झालेल्या अपघातात १८ वर्षीय तरुणाचा मृत्यू झाला तर त्याची मावस बहीण गंभीर जखमी झाली आहे. अपघातानंतर बोलेरो चालक आपली गाडी घेऊन फरार झाला आहे.
याबाबत बोलेरो चालकावर शिरूर पोलीस स्टेशन येथे गुन्हा दाखल करण्यात आला आहे.
या अपघातात शंतनु सोमनाथ जाधव (वय 18 वर्ष रा. निमोणे ता. शिरूर जि. पुणे) हा मयत झाला आहे तर सानिका सचिन कांबळे (वय 16 वर्ष रा. गारमळा, मांडगण फराटा ता. शिरूर जि. पुणे) ही गंभीर जखमी झाली आहे.
सोमनाथ दादा जाधव (वय 48 वर्ष, रा. माळवस्ती, निमोणे ता. शिरूर जि. पुणे) यांनी फिर्याद दिली आहे.
याबाबत पोलिसांनी दिलेली माहिती पुढीलप्रमाणे दिनांक 14 फेब्रुवारी 25 रोजी दुपारी सव्वा एक वाजण्याचे सुमारास निमोणे ता. शिरूर जि. पुणे गावचे हददीत फिर्यादी त्याची स्कुटी गाड़ी क्रमांक. एम. एच. 12 यु. वाय.0951 वरून मुलगा शंतनु व साडुची मुलगी सानिका यांना गुनाट येथुन आणण्यासाठी निमोणे ते गुनाट रोडने जात असताना मी निमोणे गावापासुन सुमारे 1 कि. मी अंतरावर नायरा पेट्रोल पंपाजवळ गेल्यावर शंतनु व सानिका असे दोघे रोड कडेने निमोणेकडे बोलत येताना दिसल्यावर मी माझी नायरा पेट्रोल पंपांचे जवळ रोडचे पलीकडे बाजुस लावुन थांबलो ते दोघे माझे स्कुटी गाडीजवळ आल्यनंतर मी लघुशंकेला बाजुला गेल्यावर त्यावेळी गुनाट बाजुकडुन निमाणे बाजुकडे जाणा-या रोडने नविन मॉडेलच्या बोलेरो गाडी वरील अज्ञात चालकाने मुलगा शंतनु सोमनाथ जाधव (वय 18 वर्ष रा. निमोणे ता. शिरूर जि. पुणे) व साडुची मुलगी. सानिका सचिन कांबळे (वय 16 वर्ष रा. गारमळा, मांडगण फराटा ता. शिरूर जि. पुणे) यांना जोरात धड़क देवुन त्यांना गंभीर जखमी करून बोलेरो चालक अपघात करून पळून गेला तर दोन्ही जखमी यांना उपचारा साठी घेऊन गेलो असता
मुलगा शंतनु याचा उपचारापूर्वी मृत्यू झाला तर साडूची मुलगी सानिका हि गंभीर दुखापत
झाली असून तिच्यावर उपचार सुरू आहे.
याबाबत फिर्यादीवरून बोलेरो चालकावर पोलीस स्टेशन येथे गुन्हा दाखल झाला असून पुढील तपास शिरूर पोलीस स्टेशनचे पोलीस निरीक्षक संदेश केंजळे यांच्या मार्गदर्शनाखाली महिला पोलीस उपनिरीक्षक माधुरी झेंडगे करीत आहे.
