( प्रतिनिधी ) बुरुंजवाडी ता. शिरुर येथे घरात कोणी नसल्याचा फायदा घेत महिलेचा विनयभंग करून तिला मारहाण केल्याप्रकरणी एकावर गुन्हा दाखल करण्यात आला आहे.
बुरुंजवाडी ता. शिरुर येथील महिला घरात असताना गावातील अंकुश टेमगिरे याने महिलेच्या घरासमोर येऊन महिलेकडे पिण्यास पाणी मागितले, त्यांनतर महिला पाणी देत असताना त्याने घरात कोणी नसल्याचा फायदा घेत महिलेचा हात पकडून महिलेच्या मनास लज्जा निर्माण होईल असे वर्तन केले, दरम्यान महिलेने आरडाओरडा करत त्याच्या पासून सुटका केली असता अंकुश याने महिलेला मारहाण करत कोणाला काही सांगितले तर जीवे मारून टाकीन अशी धमकी दिली, याबाबत पिडीत महिलेने शिक्रापूर पोलीस स्टेशन येथे फिर्याद दिल्याने पोलिसांनी अंकुश एकनाथ टेमगिरे रा. दिघेवस्ती बुरुंजवाडी ता. शिरुर जि. पुणे याच्या विरुद्ध गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली महिला पोलीस हवलदार उज्वला गायकवाड हे करत आहे.
