निमगाव म्हाळुंगीतील कोमल बोकलेची पोलीस दलात निवड
निमगाव म्हाळुंगी ता. शिरुर येथील शेतकरी कुटुंबातील कोमल काळुराम बोकले हिने संसाराचा गाडा हाकत कष्ट व जिद्दीच्या जोरावर अभ्यास करत लग्नानंतर देखील शिक्षण घेऊन नुकतेच पार पडलेल्या मुबंई शहर पोलीस दलाच्या परिक्षेत घवघवीत यश संपादित करत खाकी वर्दीला गवसणी घातली आहे.
निमगाव म्हाळुंगी ता. शिरुर येथील कोमल बोकले हिचे माहेर गोलेगाव असून लग्नानंतर निमगाव ,म्हाळुंगी येथे संसारात रमून रोज लवकर उठून कुटुंबाची घरातील सर्व कामे करत, आपल्या प्रिशा व ईशान या लहान बालकांसह कुटुंबाची काळजी घेत लहानपणा पासून शासकीय सेवेत रूजू होण्याचे असलेले स्वप्न उराशी बाळगून जिद्दीने अभ्यास सुरु ठेवला, कोमल हिचे प्राथमिक शिक्षण माहेरी जिल्हा परिषद प्राथमिक शाळा गोलेगाव येथे तर माध्यमिक शिक्षण चांदमल ताराचंद बोरा महाविद्यालय येथे झाले, लग्नानंतर सासरी आल्यानंतर कासारी येथील महाराजा करिअर अकॅडमी मध्ये स्पर्धा परिक्षेची तयारी केली, नुकतेच मुबंई शहर पोलीस दलाच्या पार पडलेल्या मैदानी व लेखी परिक्षेत यश मिळवुन पोलीस दलात भरती होण्याचे स्वप्न पुर्ण केले आहे. कोमल बोकले हिने जिद्दीने मिळवलेल्या यशाबद्दल परिसरातुन तिचे कौतुक होत असुन याबाबत बोलताना माझ्या यशामध्ये माझे आई वडील राजेंद्र वाखारे व वैजयंता वाखारे, पती काळुराम बोकले, भाऊ योगेश वाखारे, सासु यांची साथ आणि विशाल कावळे, करण रावत, शशीकला नलावडे यांचे मोलाचे मार्गदर्शन मिळाले असल्याचे कोमल बोकले हिने सांगितले.
स्वतंत्र चौकट –
महिला व मुलींनी लग्नानंतर सुद्धा जिद्द ठेवत अभ्यास केला तर नक्कीच यश मिळते हे कोमल बोकलेने दाखवून देत आपल्या आई वडिलांसह सासरचे देखील नाव उज्वल केले असलायचे मत जिल्हा परिषद सदस्या रेखा बांदल यांनी व्यक्त केले.
फोटो खालील ओळ – निमगाव म्हाळुंगी ता. शिरुर येथील कोमल बोकलेचा सन्मान करताना कुटुंबीय व जिल्हा परिषद सदस्या रेखा बांदल.
सोबत – कोमल बोकलेचा फोटो.
