शिरूर विधानसभा मतदार संघाची धामधूम सुरू असून राष्ट्रवादी काँग्रेस पक्ष शरदचंद्र पवार व महाविकास आघाडीचे उमेदवार अशोक पवार यांच्यासाठी ३५ दिवस असे म्हणत कार्यकर्त्यांनी शिरूर शहर व पंचक्रोशीचा परिसर पिंजून काढला आहे.
आज सकाळपासूनच महाविकास आघाडीचे कार्यकर्ते शिरूर शहराची पाबळ फाटा गोपाळ वस्ती छत्रपती कॉलनी यशवंत कॉलनी या परिसरात माहितीपत्रक वाटून व आमदार अशोक पवार यांनी केलेल्या विकास कामांची पत्रके वाटून प्रचार करताना दिसून आले.
यावेळी लहानांपासून वृद्धांपर्यंत आमदार अशोक बापू पवार यांनी केलेल्या कामाची माहिती पत्रके देऊन तोंडाने सांगून कार्यकर्ते प्रचार करताना दिसत होते. राम कृष्ण हरी वाजवा तुतारी अशा घोषणाही देत होते.
यावेळी राष्ट्रवादी काँग्रेसची युवक चे माजी शहराध्यक्ष निलेश पवार , माजी नगरसेवक अशोक पवार,रोहन शेटे ,शिरीश नारद ,सचिन अभंग ,हर्षद थोरात मंगल गायकवाड , तृप्ती जोशी , शितल शर्मा ,सौदामिनी शेटे, छाया पाडळे,मनिषा टेंबेकर,कैलास सातपुते सौदामिनी शेटे उपस्थित होते.
यावेळी बोलताना माजी नगरसेवक अशोक पवार म्हणाले शिरूर शहरातील विकासासाठी आमदार अशोक पवार यांनी दानशूर उद्योगपती यांच्यासाथीने मोठा निधी आणून शहरचा कायापालट करण्याचा प्रयत्न केला आहे. तर या पुढील काळामध्ये शिरूर शहराच्या विकासासाठी मोठ्या प्रमाणात निधी देण्याची काम आमदार अशोक पवार करतील असा विश्वासही त्यांनी व्यक्त केला.
यावेळी बोलताना राष्ट्रवादी काँग्रेस युवकचे माजी शहराध्यक्ष निलेश पवार म्हणाले शिरूर शहरातील तरुणांसाठी अत्याधुनिक क्रीडांगण लवकरच आमदार अशोक पवार यांच्या प्रयत्नातून करणार असून शहरासाठी स्वच्छ पाणीपुरवठा करण्यासाठी व नागरिकांना स्वच्छ पाणी मिळण्यासाठी नवीन पाणीपुरवठा योजनेचे काम आमदार अशोक पवार यांच्या प्रयत्नातून सुरू झाले असल्याचे त्यांनी सांगितले.
तर रामलिंग ,रामलिंग गावठाण,भैरवनाथ नगर, ओयासिस कॉलनी येथे राष्ट्रवादी काँग्रेस शरदचंद्र पवार गटाच्या नेत्या राणीताई कर्डिले यांच्या नेतृत्वाखाली मतदारांच्या गाठीभेटी घेण्यात आल्या. 
यावेळी बोलताना राणीताई कर्डिले म्हणाल्या आमदार अशोक पवार म्हणजे निष्ठा आणि या निष्ठेचे जीवावर संपूर्ण शिरूर हवेली तालुक्याच्या मनावर अधिराज्य करणारा आमदार म्हणजेच अशोक बापू पवार आहे. विकासाची गंगा त्यांनी प्रत्येक गावागावात आणि वाड्यावस्त्यांवर आणली आहे शिरूर ग्रामीण भागातही मोठ्या प्रमाणात विकास निधी आणून या भागाचा विकास केला असले की त्यांनी सांगितले.