निमगाव म्हाळुंगी ता. शिरुर येथील चव्हाण मळा येथील रस्त्यावर वाहनांच्या टायर खाली आलेल्या एका कासवाला जीवदान देण्यात नागरिकांना यश आले असून सदर कासव प्राणीमित्राच्या मित्रांच्या मदतीने नैसर्गिक आदिवासात मुक्त करण्यात आले आहे.
निमगाव म्हाळुंगी ता. शिरुर येथील अतुल चव्हाण हे सायंकाळच्या सुमारास घरी येत असताना त्यांना चव्हाण मळा येथे रस्त्यावर वाहनांच्या टायर खाली एक कासव येत असल्याने दिसले त्यांनी वाहने थांबवत कासवाला ताब्यात घेऊन याबाबतची माहिती निसर्ग वन्यजीव सामाजिक संस्थेचे अध्यक्ष शेरखान शेख यांना दिली, त्यांनतर शेरखान शेख, शुभम वाघ, अमोल कुसाळकर यांनी सदर ठिकाणी धाव घेत त्या कासवाला ताब्यात घेतले, यावेळी अतुल चव्हाण, माजी ग्रामपंचायत सदस्या स्नेहल चव्हाण, तुषार चव्हाण, ऋषिकेश भोरडे हे उपस्थित होते, दरम्यान शेरखान शेख यांनी याबाबतची माहिती शिरुर वनविभाग वनपरीमंडल अधिकारी विशाल चव्हाण व नियतक्षेत्र अधिकारी प्रमोद पाटील यांना देत कासवाला निसर्गाच्या सानिध्यात मुक्त करण्यात आले आहे.
फोटो खालील ओळ – निमगाव म्हाळुंगी ता. शिरुर येथे रस्त्यावर आलेले जीवदान देण्यात आलेले कासव ताब्यात घेताना प्राणीमित्र.
