कान्हूर मेसाईत किरकोळ वादातून युवकाला मारहाण
कान्हूर मेसाई ता. शिरुर येथे मद्यधुंद अवस्थेत आलेल्या इसमाला घरी जा म्हटल्याने सदर इसमाने युवकाला बेदम मारहाण केल्याची घटना घडली असल्याने शिक्रापूर पोलीस स्टेशन येथे कैलास सुभान ननवरे या इसमावर गुन्हा दाखल करण्यात आला आहे.
कान्हूर मेसाई ता. शिरुर येथील गणेश थोरात घरी जात असताना रस्त्याने मद्यधुंद अवस्थेत आलेल्या कैलास ननवरे याने गणेशला शिवीगाळ सुरु केल्याने गणेश याने तू घरी जा असे म्हटल्याने कैलासने शेजारील दुकानातून लाकडी दांडके आणून गणेशला मारहाण करण्यास सुरुवात केली, यावेळी गणेशची मावशी गणेशला सोडवायला आली असता मद्यधुंद अवस्थेतील कैलास याने मावशीला देखील धक्काबुक्की करत हाताने मारहाण केली, याबाबत गणेश रवींद्र थोरात वय २२ वर्षे रा. कान्हूर मेसाई ता. शिरुर जि. पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी कैलास सुभान ननवरे रा. ननवरे वस्ती कान्हूर मेसाई ता. शिरुर जि. पुणे याच्या विरुद्ध गुन्हा दाखल केला असून पुढील तपास पोलीस निरीक्षक दिपरतन गायकवाड यांच्या मार्गदर्शनाखाली पोलीस हवालदार संतोष शेळके हे करत आहे.
