कोणत्याही शासकीय कांमासाठी लाच देणे व घेणे कायद्याने गुन्हा आहे शासकीय कामांसाठी लाच मागणाऱ्यांवर लाच लुचपत विभाग कारवाई करीत असून भ्रष्टाचार मुक्त महाराष्ट्रासाठी सर्वांनी पुढे यावे असे आवाहन पुणे लाचलुचपत प्रतिबंधक विभागाचे पोलिस उपअधीक्षक प्रसाद लोणारी यांनी येथे केले.
शिरूर येथे आयोजित जनजागृती उपक्रमात लोणारी बोलत होते,
यावेळी अखिल भारतीय ग्राहक पंचायत तालुकाअध्यक्ष संपत नाना फराटे, शिरूर तालुका पालक तुकाराम फराटे, सुनील कदम, सचिव पंकज बांगर, अशोक मोरे,पर्वतराज नाबगे, विशाल गव्हाणे, राहुल दिघे व तालुक्यातील अनेक नागरिक उपस्थित होते.
यावेळी बोलताना लोणारी म्हणाले, पुणे लाचलुचपत प्रतिबंधक विभागाचे पोलीस अधीक्षक शिरिष सरदेशपांडे, यांच्या मार्गदर्शनाखाली पुणे जिल्ह्यातील सर्व तालुक्यांमध्ये विविध जनजागृती उपक्रम होत आहेत. कोणत्याही शासकीय कामासाठी आपण लाच देणे बंद करावे व संबंधित गैरप्रकार घडत असेल तर त्याबाबत तात्काळ आमच्या विभागात माहिती द्यावी तसेच अखिल भारतीय ग्राहक पंचायत कार्यकर्त्यांनी देखील अधिकाधिक नागरिकांना जागृत करावे. असे आवाहन लोणारी यांनी केले. नंतर शिरूर तहसील कार्यालय, भूमी अभिलेख कार्यालय, पोलीस स्टेशन या कार्यालयात जाऊन पत्रके भिंतीवर चिकटवण्यात आली. त्यासाठी अखिल भारतीय ग्राहक पंचायतीच्या कार्यकर्त्यांनी उत्स्फूर्तपणे सहभाग नोंदवला.
