शिरूर विधानसभा मतदारसंघाची लगीन घाई सुरू असून दोन्ही राष्ट्रवादी, दोन्ही शिवसेना, भाजपा, आप, वंचित, आर पी आय, बहुजन विकास पार्टी सगळेच पक्षांची इच्छुकांनी गुडघ्याला बाशिंग बांधले आहे परंतु मनसे पक्ष अद्याप कुठे दिसत नसल्याने, मनसे शिरूर विधानसभा मध्ये उमेदवार उभा करणार का ? याबाबत आजही प्रश्नचिन्ह आहे.
एकीकडे सर्वात पक्ष् निवडणुकीच्या तयारीला लागले राज्यापासून गल्ली पासून ते मुंबई पर्यंत निवडणुकीच्या चर्चा सुरू झाल्या आहेत 22 तारखेपासून निवडणूक उमेदवारी अर्ज भरण्यास सुरू होणार आहे.
त्यात महाराष्ट्र नवनिर्माण सेनेचे प्रमुख राज ठाकरे यांनी सर्वच भागात उमेदवार उभे करणार असल्याचे व ना कुठली युती ना कुठली आघाडी करणार असे सांगितले आहे.
शिरूर तालुक्यातील मनसे सैनिक यांच्यामध्येही कुठली चर्चा किंवा कुठला उत्साह विधानसभा निवडणूक करीत दिसून येत नाही. किंवा सोशल मीडिया वर याबाबत चर्चा ही होत नाही.
त्यात शिरूर विधानसभा मतदारसंघ हा पुण्याजवळील सर्वात महत्त्वाचा मतदारसंघ आहे. यामध्ये पुणे शहरातील काही मतदार वाघोली व रांजणगाव ते लोणीकंद पर्यंत राज्यातील सर्वात मोठा औद्योगिक पट्टा यामुळे या मतदारसंघाला विशेष महत्त्व आहे.
यामुळे सर्वच पक्षांचे नेते शिरूर विधानसभा मतदार संघाकडे आकर्षित झाले आहे. निवडणुकीच्या तयारीला लागले आहे परंतु महाराष्ट्र नवनिर्माण सेना शिरूर विधानसभा मतदारसंघांमध्ये आपला उमेदवार देणार का याबाबत कुठे साधी कुण कुण ही नाही. त्यामुळे महाराष्ट्र नवनिर्माण सेना येथील निवडनुक लढेल हे सांगणे आज तरी शक्य नसले तरी शिरूर विधानसभा निवडणुकीसाठी थोडेफार प्रमाणात लक्ष घातले असल्याचेही आतल्या गोटातून समजले.
शिरूर विधानसभा मतदारसंघासाठी मनसेच्या वतीने पूर्व भागातील एका मोठ्या माजी सनदी अधिकारी यांच्याशी चर्चा सुरू असल्याची खात्रीलायक माहिती समजते.
कदाचित शेवटच्या टप्प्यात मनसेच्या वतीने माजी सनदी अधिकारी उमेदवार राहू शकतो. असे आतल्या गोटातून समजले आहे.
तरी शेवटच्या टप्प्यात निवडणुकीत नक्की काय भूमिका मनसेचे प्रमुख राज ठाकरे घेतील याकडे सर्वांचे लक्ष लागले आहे.
