( प्रतिनिधी ) रांजणगाव गणपती ता. शिरुर येथील पुणे नगर महामार्गावर अचानकपणे आलेल्या हरणाचा अज्ञात वाहनाच्या धडकेत मृत्यू झाल्याची गत्ना घडली असून शिरुर वनविभागाच्या वतीने मृत हरणाचा पंचनामा करत दहन करण्यात आले आहे.
रांजणगाव गणपती ता. शिरुर येथील पुणे नगर महामार्गावर दुपारच्या सुमारास अचानक एक हरीण आले, दरम्यान वाहने व मनुष्यवस्ती पाहून हरीण बेधरले आणि रस्त्यावर आल्याने भरधाव वेगाने आलेल्या अज्ञात वाहनाची धडक हरणाला बसून हरीण जखमी झाले, याबाबतची माहिती प्रमोद लांडे यांनी वनविभागाला दिल्याने नियतक्षेत्र अधिकारी वंदना चव्हाण, रेस्क्यू टीमचे जयेश टेमकर, शेरखान शेख, शुभम वाघ, राजेश मुंडकर यांनी घटनास्थळी धाव घेत हरणाचा पंचनामा करुन पशुवैद्यकीय अधिकारी गोरख सातकर यांच्या माध्यमातून मृत हरणाचे शवविच्छेदन करत त्याचे वनविभागाच्या हद्दीत दहन केले, मात्र सदर हरीण कोठून तरी चुकून मनुष्यवस्तीत येवून रस्त्यावर आल्याने अपघातात मृत झाल्याचा अंदाज वनविभागाने वर्तविला आहे.
फोटो खालील ओळ – रांजणगाव गणपती ता. शिरुर येथे अज्ञात वाहनाच्या धडकेत मयत झालेले हरीण.
